Şöhratly şäher
18:43 07.05.2021 2070
Gahryman Arkadagymyzyň parasatly baştutanlygynda «Türkmenistan — parahatçylygyň we ynanyşmagyň Watany» ýylynda paýtagtymyz Aşgabat şäheri öz ajaýyp görküni has-da gözelleşdirýär.
Ýurduň ösüşi, onuň ykdysady kuwwaty paýtagt şäheriň keşbinde janlanýar. Aşgabadyň köşkler toplumyny, başy Asmana direýän beýik-beýik ymaratlaryny, giň köçelerini, şaýollaryny, seýilgählerini göreniňde, göwnüň göterilip, ata Watanymyza, Gahryman Arkadagymyza bolan buýsanjyň has-da artýar.
Hormatly Prezidentimiziň halkymyza sowgat beren «Ak şäherim Aşgabat» atly täze kitaby ak mermere beslenen paýtagtymyzyň waspyny dünýä ýetirdi. Täze kitap Köpetdagyň belent gerişleri bilen Garagumuň altynsow çägeleriniň arasynda ýaýylyp gidýän Aşgabadyň tarypyny özünde jemleýän iň gymmatly çeşmeleriň biridir. Berkarar döwletimiziň bagtyýarlyk döwründe ýurdumyzyň baş şäheriniň keşbi düýpgöter özgerýär, sazlaşygyň we gözelligiň beýanyna öwrülýär. Merjen paýtagtymyzyň binagärlik keşbi, ajaýyplygy haýran galdyrýar. Aşgabat dünýäniň owadan we ýaşaýyş üçin amatly şertleri özünde jemleýän şäherleriň hatarynda mynasyp orny eýeleýär. Gahryman Arkadagymyzyň täze «Ak şäherim Aşgabat» atly kitabyny okanyňda muňa has-da göz ýetirmek bolýar.
Dünýäde ak mermerli binalaryň iň köp möçberde jemlenen şäheri hökmünde Aşgabadyň Ginnesiň Bütindünýä rekordlar kitabyna girizilen türkmen paýtagtynda alnyp barylýan köptaraplaýyn işler dünýä nusgalyk bolup rowaçlanýar. Elbetde, ak mermerli paýtagtymyzyň keşbi, üstünliklere, halkara derejesindäki ykrarnama eýe bolýan özgertmeler hormatly Prezidentimiziň ýagty, nurana geljege gönükdirilen parasatly syýasatynyň netijesidir.
Ak arzuwlara beslenen ak şäherimiz Aşgabat ýurdumyzyň rowaçlyklara beslenýän nyşanyna öwrüldi. Aşgabat şäheriniň günbe-günden gülläp ösmegi, täze döwrebap binalaryň yzygiderli gurlup, ulanylmaga berilmegi we olaryň döwrebap tehnologiýalar, iň kämil enjamlar bilen enjamlaşdyrylmagy örän buýsandyryjydyr. Hormatly Prezidentimiz «Ak şäherim Aşgabat» atly kitabynda: «Aşgabat dünýäniň ykdysady taýdan ösen, medeni taýdan ýokary derejeli, iň gözel şäherleriniň biri» diýip belleýär. Hakykatdan-da, gözel paýtagtymyz ýurdumyzyň medeniýet-sungat, ylym-bilim, saglyk, sport merkezi bolup, ýaşaýjylar üçin amatly, owadan, gözel, iň döwrebap şäherleriň biridir.
Goý, ak şäherimizi, mähriban halkymyzy ak ertirlere, ýagty geljege alyp barýan milli Liderimiziň jany sag, ömri uzak, her bir tutumly işi rowaç bolsun!
Bahar ŞAMÄMMEDOWA,
S.A.NYÝAZOW adyndaky Türkmen oba hojalyk uniwersitetiniň uly mugallymy.
Egsilmez gujur-gaýrat bilen
Şu ýylyň «Arkadag Serdarly bagtyýar ýaşlar ýyly» diýlip atlandyrylmagy önümçilik kärhanalarynyň işgärleriniň arasynda ýokary ruhubelentlik ýagdaýyny döretdi. Bu ýyly zähmet üstünliklerine beslemek, ýurdumyzyň bedew batly ösüşlerine mynasyp goşant goşmak ugrundaky hereket giň gerim alýar. Şeýle kärhanalaryň hatarynda «Türkmengaz» döwlet konserniniň «Lebapgazçykaryş» müdirliginiň başarjaň we zähmetsöýer işgärleri hem bar. Olar täze ýylyň ilkinji günlerinden yhlasly zähmet çekip, «mawy ýangyjyň» öndürilýän möçberlerini yzygiderli artdyrýarlar.
Işleri ileri gidrogeologlar
«Türkmengeologiýa» döwlet korporasiýasynyň baýry kärhanalarynyň biri bolan Daşoguz gidrogeologiýa ekspedisiýasynyň işjeň agzalary «Arkadag Serdarly bagtyýar ýaşlar ýyly» şygaryna beslenen ýylyň ilkinji günlerinden başlap, demirgazyk welaýatyň giňişliklerinde ýerleriň melioratiw we ekologiýa ýagdaýyny öwrenmekde ýokary netijelere eýe bolýarlar.
Täze meýdançalarda işler ýaýbaňlandyrylýar
«Türkmengeologiýa» döwlet korporasiýasynyň Mary gidrogeologiýa ekspedisiýasynyň gidrogeologlary häzirki wagtda Mary welaýatynyň çägindäki Tärimli, Zähmet, Garabil, Şyhmansur, Seýrap, Çeşme, Şatlyk, Mekan meýdançalarynda, Lebap welaýatynyň çägindäki Tümenli, Daşrabat, Mukry, Jynlygum meýdançalarynda buraw işlerini alyp barýarlar. Ýerine ýetirilýän işleriň netijesinde meýdançalarda ýerasty suwlaryň, şeýle hem mineral bejeriş suwlarynyň gözlegi, barlagy, goruny hasaplamak işleri hemmetaraplaýyn alnyp barylýar.
Çeleken — hazynalar mesgeni
Ylmyň we öňdebaryjy tejribeleriň iň soňky gazananlaryny önümçilige içgin ornaşdyrmak milli ykdysadyýetimiziň ýangyç-energetika toplumynda hem öz mynasyp çözgüdini tapýar. Geçen ýylyň başynda «Türkmennebit» döwlet konserniniň «Nebitgazçykaryş» trestiniň «Galkynyşnebit» nebitgaz çykaryş müdirliginiň garamagyndaky Gündogar Çeleken meýdançasynda gazylan 707-nji belgili baha beriji guýudan bol nebit akymynyň alynmagy hem munuň aýdyň mysalydyr.
Gaz guýulary düýpli bejerilýär
Hormatly Prezidentimiziň Berkarar döwletiň täze eýýamynyň Galkynyşy döwründe milli ykdysadyýetimiziň öňdebaryjy pudaklarynyň biri bolan gaz ulgamyna dünýäniň ösen döwletleriniň önüm öndürijilerinden satyn alyp berýän gaz gurluşyk mehanizmleri «Türkmengaz» döwlet konserniniň önümçilik düzümleriniň maddy-tehniki enjamlaýyn binýadynyň pugtalanmagyna, edara-kärhanalarda gaz ýataklaryny özleşdirmek işlerini dünýä tehnologiýasynyň tejribesine laýyk guramaga ýardam berýär.