Türkmenistanly hünärmenleriň Germaniýada ylmy-barlag tejribeligi tamamlandy
09:23 18.08.2026 221
Germaniýanyň Klaustal tehniki uniwersitetinde geçiren üç hepdelik okuw tejribeliginiň netijeleri boýunça Türkmenistanly hünärmenler halkara ylmy dialogy ösdürmek we sanly tehnologiýalary öwrenmek boýunça oňyn tejribe topladylar.
Bu okuw Ýewropa Bileleşiginiň we Germaniýanyň Daşary işler ministrliginiň bilelikde maliýeleşdirmegi esasynda GIZ tarapyndan durmuşa geçirilýän «Ýewropa Bileleşigi Türkmenistanyň ýaşyl ösüşi ugrunda: Syýasy dialog we 2024–2029-njy ýyllar üçin howa hereketleri» taslamasynyň çäklerinde guraldy.
Türkmen wekiliýetiniň düzümine Türkmenistanyň Energetika ministrliginiň, «Türkmengaz» döwlet konserniniň wekilleri, Türkmenistanyň Döwlet energetika institutynyň hem-de Ýagşygeldi Kakaýew adyndaky Halkara nebit we gaz uniwersitetiniň mugallymlary we ylmy işgärleri, şeýle hem Tebigy gaz ylmy-barlag institutynyň wekilleri girdi.
Maksatnama ýaşyl tehnologiýalary we emeli aňy (EI) metan zyňyndylaryny azaltmak, poslama garşy göreşmek, dikeldilýän energetika we başga-da birnäçe ugurlar boýunça amaly taýdan ulanmaga gönükdirildi.
Okuwa gatnaşyjylar guýularyň abatlygyny seljermäge, emeli aňyň we COMSO maksatnamasynyň kömegi bilen gaz ýodalarynyň syzyşyny ýüze çykarmaga hem-de sanly modellerini düzmäge degişli tejribe aldylar; poslamagyň görnüşlerine baha bermegiň we enjamlary goramagyň döwrebap usulyýeti, şeýle hem maşyn öwreniş usullaryny ulanmak arkaly Gün energiýasyny öndürmegi modelirlemek we çaklamak bilen tanyşdylar.
Aşgabatda döwrebaplaşdyrylan “Türkmenistanyň Garaşsyzlygynyň XV ýyllygy” seýilgähi açyldy
13-nji sentýabrda Aşgabatda döwrebaplaşdyrylan “Türkmenistanyň Garaşsyzlygynyň XV ýyllygy” seýilgähiniň açylyş dabarasy boldy diýip, TDH habar berýär.
Türkmenistanyň wekiliýeti Eýranyň häkimiýetleri bilen nebitgaz toplumynda hyzmatdaşlygy işjeňleşdirmek meselelerini maslahatlaşdy
Eýran Yslam Respublikasynyň Prezidenti Seýed Ibragim Raisi Eýrana iş sapary bilen baran Türkmenistanyň Ministrler Kabinetiniň Başlygynyň Orunbasary Serdar Berdimuhamedowyň we Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredowyň ýolbaşçylygyndaky Hökümet wekiliýetini kabul etdi diýip, Türkmenistanyň daşary syýasat edarasynyň saýty habar berýär.
Birža söwdalarynda daşarky bazara suwuklandyrylan gaz we awiakerosin ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 9-sy hasaba alyndy.
Türkmenistan Gazagystana tebigy gazy we elektrik energiýasyny eksport edip başlamaga taýýar — DIM
Türkmenistan Gazagystana tebigy gazy we elektrik energiýasyny eksport edip başlamaga taýýar. Bu barada Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredow 11-nji ýanwarda Türki döwletleriň guramasynyň Daşary işler ministrleriniň adatdan daşary onlaýn duşuşygynda eden çykyşynda belledi. Duşuşykda Gazagystandaky ýagdaýlar maslahatlaşyldy diýip, Türkmenistanyň daşary syýasat edarasynyň saýty habar berýär.
Türkmenistanyň wekiliýeti Astanada ESG boýunça seminaryna gatnaşdylar
Türkmenistanyň Döwlet energetika instituty bilen Ýagşygeldi Kakayew adyndaky Halkara nebit we gaz uniwersitetiniň wekillerinden düzülen türkmen wekiliýeti ESG (ekologik, sosial we dolandyryş) ýörelgelerine bagyşlanan seminaryň işine gatnaşdy diýip, Türkmenistan Halkara habarlar merkezi habar berýär.