Türkmenistanyň wekiliýeti Astanada ESG boýunça seminaryna gatnaşdylar
20:14 15.09.2025 1615
Türkmenistanyň Döwlet energetika instituty bilen Ýagşygeldi Kakayew adyndaky Halkara nebit we gaz uniwersitetiniň wekillerinden düzülen türkmen wekiliýeti ESG (ekologik, sosial we dolandyryş) ýörelgelerine bagyşlanan seminaryň işine gatnaşdy diýip, Türkmenistan Halkara habarlar merkezi habar berýär.
Çäre halkara Erasmus+ «ESGCA» taslamasynyň çäklerinde geçirildi. Taslama Merkezi Aziýada ekologik bilimleri döwrebaplaşdyrmaga we ösdürmäge gönükdirilendir.
9-12-nji sentýabr aralygynda Gazagystanyň Prezidentiniň ýanyndaky Döwlet dolandyryş akademiýasynda geçirilen seminaryň maksady ESG mowzugy boýunça magistratura programmalaryny we mikrokurslaryny ösdürmek, şeýle-de klimat üýtgemesi we durnukly ösüş meselelerini öz içine almak boldy. Esasy wezipeleriň hatarynda ýokary okuw jaýlarynda ylmy-barlag merkezlerini döretmek, ESG standartlaryna laýyk okuw materiallaryny taýýarlamak we sebit hyzmatdaşlygyny berkitmek bellenildi.
Türkmenistanyň wekilleri iş sessiýalaryna we tegelek stollara işjeň gatnaşyp, ESG ýörelgelerini okuw programmalaryna utgaşdyrmak barada pikir alyşdylar. Olaryň goşandy Ýewropa hyzmatdaşlary bilen hyzmatdaşlygyň ähmiýetini nygtap, türkmen uniwersitetleriniň halkara akademiki torlar bilen özara gatnaşyklaryny giňeltmäge täze mümkinçilikler açdy.
Türkmenistanyň we Türkiýäniň Prezidenti telefon arkaly söhbetdeşlikde döwletara hyzmatdaşlygyny ösdürmegiň mümkinçiliklerini maslahatlaşdylar
Prezident Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen geçiren telefon arkaly söhbetdeşliginde köpugurly döwletara hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň Prezidenti “Dragon Oil” kompaniýasynyň ýolbaşçysy bilen nebitgaz ulgamynda hyzmatdaşlygyň geljegini maslahatlaşdy
Duşenbe güni Prezident Serdar Berdimuhamedow “Dragon Oil” kompaniýasynyň direktorlar geňeşiniň başlygy Saýed Al Taýeri kabul etdi diýip, TDH habar berýär.
Mart aýynda Aşgabatda we Dubaýda nebitgaz maýa goýum forumy geçiriler
29-30-njy martda Aşgabatda we Dubaýda «Türkmenistanyň nebiti we gazy» halkara maýa goýum forumy geçiriler. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni geçirilen Hökümet mejlisinde Prezident Gurbanguly Berdimuhamedowa hasabat berdi.
Nebitgaz toplumynda ýylyň bäş aýynyň jemlerine garaldy
5-nji iýunda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 4-nji iýunda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Türkmenistan Hazarüsti gaz geçirijisiniň taslamasyny durmuşa geçirmek boýunça hyzmatdaşlar bilen gatnaşyklary dowam etmäge taýýar — DIM
Türkmenistan energetika akymlaryny diwersifikasiýalaşdyrmak strategiýasyna ygrarlydyr hem-de Hazarüsti turba geçirijisiniň taslamasyny durmuşa geçirmekde hyzmatdaşlar bilen özara hereketlerini dowam etdirmäge taýýardygyny mälim edýär. Bu barada Türkmenistanyň Daşary işler ministrligini köpçülikleýin habar beriş serişdeleri üçin ýaýradan habarynda aýdylýar.