Ýagşygeldi Kakaýew adyndaky HNGU-nyň talyplary Hytaýda okuw-önümçilik tejribeligini geçýärler
12:15 03.07.2026 843
Ýagşygeldi Kakaýew adyndaky Halkara nebit we gaz uniwersitetiniň talyplary 29-njy iýundan 20-nji iýula çenli Pekindäki Hytaý nebit uniwersitetinde okuw-önümçilik tejribeligini geçýärler.
Üç hepdelik tomusky okuw-önümçilik tejribeligi üçin Hytaý nebit uniwersiteti tarapyndan ýörite maksatnama taýýarlanyldy. Oňa laýyklykda, HNGU-nyň talyplary okuw-tejribe barlaghanalary, okuw merkezleri we muzeýleri bilen tanşarlar.
Talyplar şeýle hem Hytaýyň Milli nebit-gaz korporasiýasyna (CNPC) we onuň önümçilik desgalaryna, Geologiýa muzeýine, Hytaýyň ylym we tehnika muzeýine, şeýle hem Beýik Hytaý diwaryna baryp görerler. Mundan başga-da, türkmenistanly talyplaryň «Hytaý diliniň esaslary», «Hytaý medeniýeti» atly gysga möhletli bilim kurslaryna, şeýle hem «Ýaşyl energetika we uglerod zyňyndylaryny azaltmak», «Nebitiň we gazyň geljegi» hem-de «Ýüpek ýolunyň çäklerinde energetika hyzmatdaşlygynyň geljegi» mowzuklary boýunça leksiýalara we seminarlara gatnaşmagy göz öňünde tutulýar.
Okuw-önümçilik tejribeligi ylym we bilim pudagynda hyzmatdaşlyk etmek maksady bilen 2023-nji ýylda Hytaý nebit uniwersiteti bilen baglaşylan Özara düşünişmek hakyndaky Ähtnama we Ylalaşyga laýyklykda guraldy. HNGU-nyň saýtynda bellenilişi ýaly, bu tejribelik talyplara alan nazary bilimlerini tejribede berkitmek üçin giň mümkinçilikleri döreder.
Pekin we Aşgabat arassa energetika we “akylly şäher” ulgamlarynda hyzmatdaşlygyň geljegini maslahatlaşdylar
16-njy iýulda Türkmenistanyň Senagat we gurluşyk önümçiligi ministrliginiň wekiliýeti Pekindäki Tongfang Co., Ltd. öňdebaryjy hytaý kompaniýasynyň baş edarasynda geçirilen duşuşykda sanly tehnologiýalar, akylly energetika we “akylly şäherler” ulgamyndaky hyzmatdaşlygyň ösdürilişi baradaky meseleler maslahatlaşyldy. Bu barada Türkmenistanyň habarlar portaly habar berýär.
Türkmenistanyň Prezidenti Ýewropa Bileleşiginiň komissary bilen hyzmatdaşlygyň geljegini maslahatlaşdy
Türkmenistan Ýewropa Bileleşigi bilen syýasy-diplomatik, söwda-ykdysady, medeni-ynsanperwer ugurlarda hyzmatdaşlyk etmäge uly ähmiýet berýär diýip, Prezident Serdar Berdimuhamedow Ýewropa Bileleşiginiň halkara hyzmatdaşlyk boýunça Ýewropa komissary hanym Ýutta Urpilaýnen bilen duşuşygynda aýtdy. Muny TDH ýetirýär.
«Gumdagnebit» nebitgaz çykaryş müdirligi: ýanwar-iýul aýlarynda 330,5 müň tonna nebit çykaryldy
Şu ýylyň ýedi aýynda «Türkmennebit» döwlet konserniniň «Gumdagnebit» nebitgaz çykaryş müdirliginiň hünärmenleri Türkmenistanyň iň irki känleriniň birinden 330,5 müň tonna «gara altyny» çykardylar we gaýtadan işlemäge iberdiler. Munuň özi hasabat döwri üçin önümçilik meýilnamasynyň 112% töweregine deňdir.
Türkmenistan we Argentina 2025-nji ýylda bilelikdäki işewürlik- forumyny geçirer
Türkmen tarapy 2025-nji ýylda Aşgabatda Türkmen-argentin işewürlik forumyny gurmagy teklip etdi. Bu barada 3-nji oktýabrda wideoaragatnaşyk ulgamy arkaly iki ýurduň daşary syýasat edaralarynyň düzüm bölümleriniň ýolbaşçylarynyň derejesinde Türkmenistan bilen Argentina Respublikasynyň arasyndaky üçünji syýasy geňeşmelerde aýdyldy.
Hazaryň kenarynda tomusky dynç alyş möwsümi
Şu günlerde Balkanabadyň Hazar şäherçesiniň golaýynda Hazar deňziniň kenarynda ýerleşýän “Gara altyn” çagalar sagaldyş merkezinde ýurdumyzyň nebitgaz toplumynda zähmet çekýän işgärleriň çagalary tomusky dynç alşyny geçirýärler.