“Nebitdag” buraw işleri müdirligi bellenilen meýilnamadan öňde barýar
22:17 02.07.2026 767
«Türkmennebit» döwlet konserniniň «Nebitgazburawlaýyş» trestiniň «Nebitdag» buraw işleri müdirligi 2026-njy ýylyň başyndan bäri meýilnamalaýyn borçnamalary artygy bilen ýerine ýetirýär.
Müdirligiň meýilnamasyna laýyklykda, ýylyň bäş aýynyň dowamynda 7 müň 191 metr burawlamak we 4 sany guýuda gurluşyk işlerini tamamlap, olary ulanmaga bermek göz öňünde tutulan hem bolsa, iş ýüzünde 7 müň 387 metr burawlanyp, bu görkeziji boýunça tabşyryk 102,7 göterim ýerine ýetirildi.
Häzirki wagtda bu müdirlik tarapyndan Nebitdag, Goturdepe, Barsagelmez, Demirgazyk Goturdepe, Günbatar Goturdepe, Gündogar Çeleken we Mydar ýataklarynda Hytaý Halk Respublikasynda öndürilen «ZJ-70 DS», «ZJ-30T», «HJ-750», «HJ-450» kysymly 12 sany kuwwatly buraw enjamlarynyň kömegi bilen ulanyş guýularynda buraw işleri alnyp barylýar.
Gurluşyk işleri tamamlanan Nebitdag, Günbatar Goturdepe, Demirgazyk Goturdepe we Mydar ýataklaryndaky dört sany guýy buýrujylara tabşyryldy, meýilnama 100 göterim berjaý edildi.
Şeýle hem «Hazargazçykaryş» nebitgazçykaryş müdirligine degişli bolan Gündogar Çeleken meýdançasynyň taslama çuňlugy 3 müň 600 metre barabar bolan 90-njy belgili guýusynda taýýarlyk işleri geçirildi, burawlama dowamynda barlag geçirmek göz öňünde tutulýar.
«Ýaşyldepagazçykaryş» nebitgazçykaryş müdirligine degişli Mydar meýdançasynyň taslama çuňlugy 2 müň metre barabar bolan 32-nji belgili guýusynda buraw enjamlaryny gurnamak işleri tamamlandy, burawlama döwri dowam edýär. Gündogar Demirgazyk meýdançasynyň 400-nji belgili buraw enjamlarynda diňi gurnamak işleri alnyp barylýar. Barsagelmez, Goturdepe, Mydar ýataklaryndaky 7 sany guýuda bolsa buraw işleri üstünlikli dowam edýär.
«Türkmennebit» döwlet konserniniň hünärmenleri ýyly üstünlikli tamamlamak üçin yhlasly zähmet çekýärler. Munda «Nebitdag» buraw işleri müdirliginiň burawçylarynyň mynasyp goşandy bar.
«Türkmennebit» döwlet konserniniň düzümindäki esasy kärhanalaryň biri bolan «Nebitgazburawlaýyş» trestiniň «Nebitdag» buraw işleri müdirligi 1971-nji ýylda döredildi. Şu ýylyň 1-nji iýunynda müdirligiň döredilenine 55 ýyl doldy.
Pekin we Aşgabat arassa energetika we “akylly şäher” ulgamlarynda hyzmatdaşlygyň geljegini maslahatlaşdylar
16-njy iýulda Türkmenistanyň Senagat we gurluşyk önümçiligi ministrliginiň wekiliýeti Pekindäki Tongfang Co., Ltd. öňdebaryjy hytaý kompaniýasynyň baş edarasynda geçirilen duşuşykda sanly tehnologiýalar, akylly energetika we “akylly şäherler” ulgamyndaky hyzmatdaşlygyň ösdürilişi baradaky meseleler maslahatlaşyldy. Bu barada Türkmenistanyň habarlar portaly habar berýär.
Türkmenistanyň Prezidenti Ýewropa Bileleşiginiň komissary bilen hyzmatdaşlygyň geljegini maslahatlaşdy
Türkmenistan Ýewropa Bileleşigi bilen syýasy-diplomatik, söwda-ykdysady, medeni-ynsanperwer ugurlarda hyzmatdaşlyk etmäge uly ähmiýet berýär diýip, Prezident Serdar Berdimuhamedow Ýewropa Bileleşiginiň halkara hyzmatdaşlyk boýunça Ýewropa komissary hanym Ýutta Urpilaýnen bilen duşuşygynda aýtdy. Muny TDH ýetirýär.
«Gumdagnebit» nebitgaz çykaryş müdirligi: ýanwar-iýul aýlarynda 330,5 müň tonna nebit çykaryldy
Şu ýylyň ýedi aýynda «Türkmennebit» döwlet konserniniň «Gumdagnebit» nebitgaz çykaryş müdirliginiň hünärmenleri Türkmenistanyň iň irki känleriniň birinden 330,5 müň tonna «gara altyny» çykardylar we gaýtadan işlemäge iberdiler. Munuň özi hasabat döwri üçin önümçilik meýilnamasynyň 112% töweregine deňdir.
Türkmenistan we Argentina 2025-nji ýylda bilelikdäki işewürlik- forumyny geçirer
Türkmen tarapy 2025-nji ýylda Aşgabatda Türkmen-argentin işewürlik forumyny gurmagy teklip etdi. Bu barada 3-nji oktýabrda wideoaragatnaşyk ulgamy arkaly iki ýurduň daşary syýasat edaralarynyň düzüm bölümleriniň ýolbaşçylarynyň derejesinde Türkmenistan bilen Argentina Respublikasynyň arasyndaky üçünji syýasy geňeşmelerde aýdyldy.
Hazaryň kenarynda tomusky dynç alyş möwsümi
Şu günlerde Balkanabadyň Hazar şäherçesiniň golaýynda Hazar deňziniň kenarynda ýerleşýän “Gara altyn” çagalar sagaldyş merkezinde ýurdumyzyň nebitgaz toplumynda zähmet çekýän işgärleriň çagalary tomusky dynç alşyny geçirýärler.