Ýagşygeldi Kakaýew adyndaky HNGU-da sanly awtomatlaşdyrmakda täze çemeleşmeler maslahatlaşyldy
11:00 26.02.2026 1203
Ýagşygeldi Kakaýew adyndaky Halkara nebit we gaz uniwersitetinde «Sazlaşykly awtomatlaşdyrma: netijeliligiň täze tapgyry» diýen tema boýunça umumy okuw geçirildi. Bu çäre Türkmenistanyň Bilim ministrligi, Türkmenistanyň Magtymguly adyndaky Ýaşlar guramasynyň ýanyndaky Meýletinçiler merkezi, şeýle hem Türkmenistanyň Senagatçylar we telekeçiler birleşmesiniň Aşgabat şäher komitetiniň ýanyndaky Ýaş telekeçiler merkezi tarapyndan guruldy.
Çäräniň dowamynda çykyş edenler iş amallaryny awtomatlaşdyrmagyň diňe bir iri IT-bölümleriň ýa-da daşary ýurt kompaniýalarynyň artykmaçlygy däldigini bellediler. Iş amallarynyň aýratynlyklaryna gowy düşünýän ýerli hünärmenler hem sanly tehnologiýalary üstünlikli ornaşdyrmaga ukyplydyrlar. Bu bolsa işleriň has netijeli, takyk we çalt guralmagyna ýardam edýär.
Awtomatlaşdyrma işgärleriň ornuny tutmak üçin däl-de, eýsem olaryň işini goldamak, wagty tygşytlamak we öndürijiligi ýokarlandyrmak üçin niýetlenendir.
Çäräniň ahyrynda geçirilen sowal-jogap sessiýasy mazmunly çekişmelere beslendi diýlip, turkmennebit.gov.tm saýtynda habar berilýär.
Türkmenistanyň we Türkiýäniň Prezidenti telefon arkaly söhbetdeşlikde döwletara hyzmatdaşlygyny ösdürmegiň mümkinçiliklerini maslahatlaşdylar
Prezident Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen geçiren telefon arkaly söhbetdeşliginde köpugurly döwletara hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň Prezidenti “Dragon Oil” kompaniýasynyň ýolbaşçysy bilen nebitgaz ulgamynda hyzmatdaşlygyň geljegini maslahatlaşdy
Duşenbe güni Prezident Serdar Berdimuhamedow “Dragon Oil” kompaniýasynyň direktorlar geňeşiniň başlygy Saýed Al Taýeri kabul etdi diýip, TDH habar berýär.
Mart aýynda Aşgabatda we Dubaýda nebitgaz maýa goýum forumy geçiriler
29-30-njy martda Aşgabatda we Dubaýda «Türkmenistanyň nebiti we gazy» halkara maýa goýum forumy geçiriler. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni geçirilen Hökümet mejlisinde Prezident Gurbanguly Berdimuhamedowa hasabat berdi.
Nebitgaz toplumynda ýylyň bäş aýynyň jemlerine garaldy
5-nji iýunda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 4-nji iýunda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Türkmenistan Hazarüsti gaz geçirijisiniň taslamasyny durmuşa geçirmek boýunça hyzmatdaşlar bilen gatnaşyklary dowam etmäge taýýar — DIM
Türkmenistan energetika akymlaryny diwersifikasiýalaşdyrmak strategiýasyna ygrarlydyr hem-de Hazarüsti turba geçirijisiniň taslamasyny durmuşa geçirmekde hyzmatdaşlar bilen özara hereketlerini dowam etdirmäge taýýardygyny mälim edýär. Bu barada Türkmenistanyň Daşary işler ministrligini köpçülikleýin habar beriş serişdeleri üçin ýaýradan habarynda aýdylýar.