Türkmenistanyň Prezidenti 2026-njy ýylda milli ykdysadyýetiň pudaklaryny ösdürmegiň meýilnamalaryny tassyklady
16:59 13.01.2026 8429
Prezident Serdar Berdimuhamedow 9-njy ýanwarda geçirilen 2026-njy ýylyň ilkinji Ministrler Kabinetiniň mejlisinde milli ykdysadyýetiň esasy pudaklaryny ösdürmek boýunça hödürlenen meýilnamalary tassyklady diýip, TDH habar berýär.
Bellenilişi ýaly, maliýe pudagynyň meýilnamalarynda bank ulgamyna sanly tehnologiýalary giňden ornaşdyrmak, hususy telekeçiligi goldamak we döwlet emlägini dolandyrmagy kämilleşdirmek göz öňünde tutulýar. Ykdysadyýetiň hususy pudagyny karzlaşdyrmaga we önümçilik kuwwatlyklarynyň netijeliligini seljermäge aýratyn üns berler.
Nebitgaz toplumynyň 2026-njy ýyldaky ileri tutulýan wezipeleriniň hatarynda şular bar – “Galkynyş” ägirt uly gaz känini özleşdirmegiň nobatdaky tapgyrlaryna başlamak; Türkmenistan–Owganystan–Pakistan–Hindistan (TOPH) gaz geçirijisiniň "Arkadagyň ak ýoly" diýlip atlandyrylýan Serhetabat–Hyrat böleginiň gurluşygyny üstünlikli dowam etdirmek girýär.
Gurluşyk toplumy Aşgabat şäherinde täze desgalary gurmaga we ýol düzümini döwrebaplaşdyrmaga gönükdiriler.
Obasenagat toplumynda pagtaçylykda we däneçilikde innowasion usullary ornaşdyrmak meýilleşdirilýär. Döwlet Baştutany suw serişdelerini tygşytly ulanmaga hem-de meşhur ahalteke bedewleriniň baş sanyny köpeltmäge aýratyn üns bermegi tabşyrdy.
Ulag we aragatnaşyk ulgamynda 2026-njy ýylda täze demir ýol menzillerini, deňiz gämilerini gurmak, teplowozlary we wagonlary abatlamak göz öňünde tutulýar. Prezident halkara ulag geçelgeleriniň işini giňeltmegiň, üstaşyr gatnawlar üçin amatly şertleri döretmegiň we olaryň möçberini artdyrmagyň möhümdigini belledi.
Daşary syýasat strategiýasynyň esasy ugurlarynyň hatarynda - BMG-niň Baş Assambleýasynyň 80-nji sessiýasynyň çäginde Türkmenistanyň başlangyçlaryny durmuşa geçirmek; Bütindünýä Söwda Guramasy (BSG) bilen hyzmatdaşlyk we Halkara Energetika Agentligi bilen gatnaşyklary berkitmek; Ýurduň Ýewraziýanyň iň iri logistik habyna öwrülmegi üçin halkara ulag geçelgelerini ösdürmek göz öňünde tutulýar.
Bilim ulgamynda esasy üns ýaşlary ýokary tehnologiýalar ugruna çekmäge we amaly innowasiýalary ösdürmäge gönükdiriler.
2026-njy ýyl ýubileý ýyly bolar — Türkmenistan Garaşsyzlygynyň 35 ýyllygyny dabaraly bellär. Şunlukda, halkara forumlary geçirmek, Ýüpek ýolunyň ugrundaky ýadygärlikleri dikeltmek we ÝUNESKO-nyň Bütindünýä mirasynyň sanawyna täze gymmatlyklary hödürlemek meýilleşdirilýär.
Türkmenistanyň ilçisi Italiýanyň DIM-nde ikitaraplaýyn hyzmatdaşlygy berkitmek boýunça ädimleri maslahatlaşdy
Italiýayň Daşary işler ministrliginiň edara binasynda Türkmenistanyň Italiýadaky ilçisi T.Kömekowyň Italiýanyň daşary işler we halkara hyzmatdaşlygy ministriniň orunbasary E.Çiriýelli bilen duşuşygy geçirildi. Bu barada 4-nji sentýabrda Türkmenistanyň DIM-nde habar berdiler.
Si Szinpin Serdar Berdimuhamedowa iberen gutlagynda hyzmatdaşlygy ösdürmäge taýýarlygyny mälim etdi
Hytaý Halk Respublikasynyň Başlygy Si Szinpin Türkmenistanyň Prezidenti Serdar Berdimuhamedowa doglan güni mynasybetli iberen gutlagynda iki ýurduň halklarynyň bähbidine köpugurly hyzmatdaşlygy mundan beýläk-de ösdürmek üçin bilelikde tagalla etmäge taýýardygyny mälim etdi.
Halkara gaz bileleşiginiň prezidenti OGT 2025 forumyna gatnaşar
Halkara gaz bileleşiginiň (IGU) prezidenti Anderea Steger şu ýyl geçiriljek «Türkmenistanyň nebit we gazy – OGT 2025» atly forumda esasy çykyş ediji hökmünde gatnaşjakdygyny tassyklady. Bu barada çäräniň guramaçylary habar berdiler.
Türkmenistan ýertitremeden ejir çeken owgan halkyna ynsanperwerlik kömegini iberer
Türkmenistanyň Prezidenti Serdar Berdimuhamedow ýertitremeden ejir çeken owgan halkyna ynsanperwerlik kömegini ibermek hakynda Buýruga gol çekdi. Bu barada TDH habar berýär.
Türkmenistan ilatyň ýaşaýyş şertlerini hemmetaraplaýyn gowulandyrýar
Abraýly halkara guramalar, şol sanda BMG bilen netijeli gatnaşyklary ýola goýmak, Türkmenistanyň daşary syýasat strategiýasynyň ileri tutulýan ugurlarynyň biridir. Geçen ýyl guramanyň Ykdysady we Durmuş Geňeşi (EKOSOS) tarapyndan Türkmenistan 2025-2029-njy ýyllar aralygy üçin Durmuş ösüşi boýunça komissiýa saýlandy. Bu waka, Durnukly ösüş maksatlaryna ýetmäge gönükdirilen döwlet syýasatynyň üstünlikli durmuşa geçirilýändiginiň we onuň dünýä jemgyýetçiligi tarapyndan giňden goldanylýandygynyň subutnamasy boldy.