«Ýaşyl» energiýa — ýagty geljegiň kepili
09:10 14.10.2025 2148
«Ýaşyl» energiýa, ýagny ekologiýa taýdan arassa we dowamly energiýa çeşmeleri häzirki döwrüň iň möhüm meseleleriň biri bolup durýar. Ýer şarynyň ykdysady we ekologiýa ýagdaýy barha çylşyrymly häzirki günlerde daşky gurşawy goramak we energiýa zerurlyklaryny kanagatlandyrmak üçin «ýaşyl» energiýa tehnologiýalaryna geçmek uly ähmiýete eýe bolýar. «Ýaşyl» energiýa daşky gurşawa zyýan bermeýän we energiýa öndürmek üçin tebigaty täzeleýän çeşmelerden peýdalanylýan energiýanyň görnüşidir. Bu energiýa kömür, nebit ýa-da tebigy gaz ýaly galyndy ýangyçlardan tapawutlylykda atmosfera zyýanly gazlaryň çykarylyşyny azaldýar we tebigatyň dowamlylygyny üpjün edýär.
Türkmenistan tebigy gaz we nebit ýaly energiýa baýlyklary bilen tanalýan ýurt bolsa-da, «ýaşyl» energiýa tehnologiýalaryny ösdürmek üçin uly potensiala eýedir. Ýurdumyzyň geografik ýagdaýy we tebigy şertleri «ýaşyl» energiýanyň dürli görnüşlerini işläp düzmäge has ukyplydyr. Ýurdumyzyň Gün şöhlesine we ýel güýjüne baý sebitleri täzelenýän energiýa çeşmelerine maýa goýum etmek üçin ajaýyp mümkinçilikleri döredýär.
Türkmenistan häzirki wagtda galyndy ýangyçlaryna daýanýan energiýa ulgamyna eýe bolsa-da, «ýaşyl» energiýa tehnologiýalaryna geçmegi ýurdumyzyň ykdysadyýetini özgertmäge we daşky gurşawyň ýagdaýyny gowulandyrmaga kömek edýär. Şeýle-de «ýaşyl» energiýa taslamalaryna maýa goýmak ýurdumyzyň halkara energiýa bazarlarynda täze mümkinçilikleri açmagyna ýardam eder.
«Ýaşyl» energiýa diňe bir ekologiýa taýdan arassa bolman, eýsem, ykdysady we sosial taýdan hem uly peýda getirýär. Onuň esasy üstünlikleri barada giňişleýin maglumat aşakdakylardan ybarat.
Daşky gurşawy goramak. «Ýaşyl» energiýa karbamid oksidiniň (CO2) we beýleki zyýanly gazlaryň çykarylyşyny ep-esli azaldýar. Bu howanyň hapalanmagynyň öňüni alýar we ýaýramazlyga garşy göreşýär. Şeýle hem «ýaşyl» energiýa tebigatyň ekoulgamlarynyň saklanmagyna we biologik dürli-dürlülige oňyn täsir edýär.
Dowamlylyk. Täzelenýän energiýa çeşmeleri galyndy ýangyçlardan tapawutlylykda tükenmeýär. Gün, ýel ýa-da suw ýaly tebigy baýlyklary ulanmak energiýa howpsuzlygyny üpjün edýär.
Ýerli ykdysadyýetleriň ösüşi. «Ýaşyl» energiýa taslamalary ýerlerde iş orunlaryny döredýär we tehnologiýalaryň ösüşine itergi berýär. Bu ýurdumyzyň ykdysadyýetiniň güýçlenmegine ýardam edýär we ýaşlaryň täze hünärleri öwrenmegine mümkinçilik döredýär.
Energiýa garaşsyzlygy. «Ýaşyl» energiýa ýurduň daşary ýurtlardan energiýa importyna bolan garaşlylygyny azaldýar we energiýa bazarlaryndaky üýtgeşmelere garşy durnuklylygy ýokarlandyrýar. Bu ýurdumyzyň energiýa ulgamynda özüne ynamynyň artmagyna ýardam edýär.
Hajymuhammet HANGELDIÝEW,
Wekilbazar etrabynyň J.Atajanow daýhan birleşiginiň ýaşaýjysy.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.