OGT 2025: Türkmen telekeçileri üçin bütindünýä hyzmatdaşlygy ýola goýmakda täze mümkinçilikler
12:19 24.09.2025 2122
Aşgabat, Türkmenistan — 22–24-nji oktýabr aralygynda paýtagtymyzda geçiriljek “Türkmenistanyň nebiti we gazy” (OGT 2025) atly 30-njy halkara maslahaty we sergisi işewür gatnaşyklary ýola goýmak hem-de maýa goýumlaryny çekmek üçin möhüm waka bolar.
Şu ýyl bu çäre hususy türkmen kompaniýalary we telekeçileri üçin aýratyn ähmiýete eýe bolar: OGT 2025-e ilkinji gezek 30-dan gowrak halkara kompaniýasyna wekilçilik edýän 100-den gowrak wekiller gatnaşar. Olaryň arasynda Hytaý, Beýik Britaniýa, ABŞ, Gazagystan, Indoneziýa, Kaýman adalary, Azerbaýjan, Germaniýa, Kipr, Jorjiýa, Russiýa, Gollandiýa we Birleşen Arap Emirlikleri ýaly ýurtlardan guramalar hem bar. Bu kompaniýalar ilkinji gezek türkmen bazaryna çykýarlar we häzirki wagtda bu ýerde olaryň öz hemişelik wekilhanalary ýok we bu ýagdaý türkmen telekeçileri üçin işewür gatnaşyklary ýola goýmak we özara peýdaly hyzmatdaşlygy gurmak boýunça giň mümkinçilikleri açýar.
Işewür aragatnaşygyň ähmiýetini göz öňünde tutup, guramaçylar sergi meýdançasynda işewür duşuşyklary we gepleşikleri ýola goýmak üçin ýöriteleşdirilen B2B zolagyny işe girizdiler. B2B zolagy gatnaşyjylaryň iş maksatlarynyň, tehnologiýalarynyň we maýa goýum boýunça ileri tutulýan ugurlarynyň esasynda emeli intellekt arkaly işleýän işewürlik baglanşygy (Business Connect) atly täze meýdança bilen işewürleri biri-birine birleşdirer. Bu utgaşdyrma duşuşyklaryň şahsylaşdyrylan gün tertibini üpjün edýär, netijeli meýilnamalaşdyrmaga we halkara ülňülerine laýyk gelýän bökdençsiz işewürlik gatnaşyklaryny ýola goýmaga şert döredýär.
Guramaçylar türkmen telekeçilerini, kiçi we orta telekeçiligiň wekillerini hem-de hususy kompaniýalary OGT 2025-e işjeň gatnaşmaga we “Business Connect” meýdançasyna goşulmaga çagyrýarlar. Munuň üçin Android we iOS ulgamlarynda elýeterli bolan “Turkmen Energy Forum” (TEF App) atly mobil goşundyny ýükläp almak ýeterlikdir. Hut şu goşundynyň üsti bilen B2B-duşuşyklar herekete geçer, bu bolsa halkara aragatnaşyklary ýola goýmak we foruma gatnaşygyny tassyklan 45 döwletiň 500-den gowrak wekili bilen işewür gatnaşyklary pugtalandyrmak üçin özboluşly mümkinçilikleri döreder.
OGT gepleşikler we ylalaşyklar boýunça söhbetdeşlikleri ýola goýmak üçin halkara derejesindäki möhüm meýdança hökmünde öz ornuny pugtalandyrmagy dowam edýär. Şanly senä bagyşlanan bu maslahat öňdebaryjy halkara kompaniýalarynyň ýokary wezipeli çykyş edijilerini we ýolbaşçylaryny bir ýere jemlär hem-de Türkmenistanyň nebitgaz pudagynda iri şertnamalara gol çekmek üçin möhüm meýdança bolar. Bularyň hemmesi forumyň bütindünýä energetika senenamasyndaky esasy halkara wakalarynyň biri hökmünde ähmiýetini has-da nygtaýar.
Gatnaşmak üçin hasaba alynmagyň iň soňky möhleti 2025-nji ýylyň 10-njy oktýabrydyr.
Has anyk maglumaty OGT-niň resmi web-sahypasynda tapyp bilersiňiz: www.ogt-turkmenistan.com
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.