Türkmenistanyň ykdysady gazananlarynyň sergisinde nebitgaz toplumy giňden hödürlenildi
09:52 20.09.2025 1787
18-nji sentýabrda ýurdumyzyň Garaşsyzlygynyň 34 ýyllygyna bagyşlanyp Aşgabatda açylan Türkmenistanyň ykdysady üstünlikleriniň sergisinde milli ykdysadyýetimiziň öňdebaryjy pudaklary, şol sanda nebitgaz pudagy giňden görkezilýär.
Serginiň diwarlyklary döwlet maksatnamalarynyň we innowasion taslamalaryň çäginde milli ykdysadyýetiň pudaklarynyň döwrebaplaşdyrylmagy hem-de diwersifikasiýalaşdyrylmagy boýunça alnyp barylýan işleri giňişleýin şöhlelendirýär. Bu ýerde aýratyn orny nebitgaz pudagy eýeleýär.
Mälim bolşy ýaly, Türkmenistan uglewodorod serişdeleriniň ätiýaçlary boýunça dünýäniň öňdebaryjy döwletleriniň hataryna girýär. Şunuň bilen baglylykda, ykdysadyýetiň esasy pudaklarynyň biri hökmünde nebitgaz senagatynyň ösdürilmegine uly ähmiýet berilýär.
Häzirki sergide ýurdumyzda bu ugurda gazanylan üstünlikler giňden görkezilýär. “Türkmengaz”, “Türkmennebit” döwlet konsernleriniň we “Türkmengeologiýa” döwlet korporasiýasynyň diwarlyklarynda uglewodorod serişdeleriniň çykarylyşynyň we gaýtadan işlenilmeginiň ösüş dinamikasy, şeýle hem öndürilýän önümleriň nusgalary görkezilýär.
Her ýyl Watanymyzyň baş baýramynyň öňüsyrasynda geçirilýän sergi milli ykdysadyýetimiziň üstünliklerini, giň gerimde amala aşyrylýan jemgyýetçilik-syýasy hem-de medeni-ynsanperwer özgertmeleri beýan edýär.
20-nji sentýabrda tamamlanjak sergi Türkmenistanyň mümkinçiliklerini we onuň durnukly, innowasion hem-de ekologiýa taýdan arassa geljege bolan ymtylmalaryny dünýä jemgyýetçiligine görkezmekde möhüm tapgyr bolup durýar.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.