Awazada Türkmenistanyň maýa goýum forumy – 2025 geçirildi
09:53 20.09.2025 2120
18-19-njy sentýabrda «Awaza» milli syýahatçylyk zolagynda Türkmenistanyň maýa goýum forumy – 2025 geçirildi diýip, TDH habar berýär. Forumyň esasy maksady ykdysady gatnaşyklary pugtalandyrmak, göni maýa goýumlary çekmek we hyzmatdaşlygy ösdürmekden ybaratdyr.
Awazada döwlet edaralarynyň, halkara maliýe guramalarynyň, iri kompaniýalaryň we korporasiýalaryň wekilleri, öňdebaryjy bilermenler duşuşdy. Iki günläp dowam dowam eden forum Türkmenistanyň Daşary işler ministrligi we Maliýe hem-de ykdysadyýet ministrligi tarapyndan guraldy. Onuň dowamynda gatnaşyjylar ýurdumyzda alnyp barylýan ykdysady özgertmeler we gazanylan üstünlikler bilen tanyşmaga, şeýle hem türkmen hyzmatdaşlary bilen maýa goýum taslamalaryny ara alyp maslahatlaşmaga mümkinçilik aldylar.
Forumyň açylyşynda Prezident Serdar Berdimuhamedowyň gatnaşyjylara iberen Gutlag ýüzlenmesi okaldy. Döwlet Baştutany bu forumyň ýurduň senagat kuwwatyny artdyrmakda, ykdysadyýeti diwersifikasiýa etmekde, täze önümçilikleri döretmekde we hereket edýän kärhanalaryň mümkinçiliklerini giňeltmekde aýratyn ähmiýete eýedigini belledi.
Forumyň birinji gününiň esasy mowzuklarynyň biri «Durnukly we ygtybarly energetika üpjünçiligi – Türkmenistanyň ýangyç-energetika toplumynyň ileri tutulýan ugurlarynyň ösüşi» atly mowzuklaýyn mejlis boldy.
Çykyş edenler Türkmenistanyň ygtybarly energiýa üpjün ediji hökmünde uly mümkinçiliklere eýedigini nygtadylar. «Dragon Oil» we «PETRONAS» kompaniýalarynyň wekilleri ýurdumyzyň maýa goýum taslamalary üçin amatly şertleri hem-de hyzmatdaşlygyň uzakmöhletleýin häsiýete eýedigini belläp geçdiler.
Maslahatda nebitgaz pudagynyň ösüş strategiýalary, çig mal binýadyny giňeltmek we önümçilik infrastrukturasy kämilleşdirmek boýunça çykyşlar boldy. Türkmenistanda uglewodorod serişdeleriniň çykarylyşyndan başga-da, gaýtadan dikeldilýän energiýa çeşmeleriniň ösdürilmegi boýunça mümkinçilikleriň öwrenilýändigi bellenildi. Ýurdumyz Gün we ýel elektrik stansiýalarynyň gurluşygy boýunça taslamalara aýratyn üns berýär, bu bolsa energetika ulgamynyň diwersifikasiýasyna ýardam eder.
Forumda TOPH gaz geçirijisi ýaly iri taslamalaryň durmuşa geçirilmeginiň sebitleýin energetika hyzmatdaşlygyny giňeltmekde uly ähmiýete eýedigi nygtaldy. Bu taslama gatnaşyjy ýurtlaryň energetika howpsuzlygyny üpjün etmek bilen bir hatarda, olaryň durmuş-ykdysady ösüşine hem oňyn täsir eder.
Şeýle hem çärede diňe çig mal eksportyny däl-de, eýsem uglewodorodlary çuňňur gaýtadan işlemek ugruny ösdürmegiň wajypdygy aýratyn bellenildi. Gazhimiýa toplumlarynyň we polimer önümçilik zawodlarynyň gurluşygy boýunça taslamalar görkezildi. Şeýle çemeleşme Türkmenistana taýýarlanan önümleriň eksportyny ösdürmäge, dünýä bazarlarynda ornuny pugtalandyrmaga, täze iş orunlaryny döretmäge, degişli pudaklary ösdürmäge we tehnologik ösüşi öňe sürmäge mümkinçilik berer.
Halkara bilermenleri ýurduň maýa goýum klimatyny ösdürmek boýunça alyp barýan netijeli işlerini belläp, daşary ýurtly maýadarlara amatly şertleriň döredilýändigini nygtadylar. Salgyt ýeňillikleri, döwlet kepillikleri we proseduralaryň ýeňilleşdirilmegi Türkmenistany has-da özüne çekiji maýa goýum merkezi edýär.
Halkara maliýe guramalarynyň wekilleri senagat pudagyndaky taslamalara ýeňillikli maliýeleşdiriş hem-de hünärmen goldawy bermäge taýýardyklaryny mälim etdiler.
Türkmenistanyň maýa goýum forumy 19-njy sentýabrda öz işini tamamlady.
Türkmenistanyň we Türkiýäniň Prezidenti telefon arkaly söhbetdeşlikde döwletara hyzmatdaşlygyny ösdürmegiň mümkinçiliklerini maslahatlaşdylar
Prezident Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen geçiren telefon arkaly söhbetdeşliginde köpugurly döwletara hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň Prezidenti “Dragon Oil” kompaniýasynyň ýolbaşçysy bilen nebitgaz ulgamynda hyzmatdaşlygyň geljegini maslahatlaşdy
Duşenbe güni Prezident Serdar Berdimuhamedow “Dragon Oil” kompaniýasynyň direktorlar geňeşiniň başlygy Saýed Al Taýeri kabul etdi diýip, TDH habar berýär.
Mart aýynda Aşgabatda we Dubaýda nebitgaz maýa goýum forumy geçiriler
29-30-njy martda Aşgabatda we Dubaýda «Türkmenistanyň nebiti we gazy» halkara maýa goýum forumy geçiriler. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni geçirilen Hökümet mejlisinde Prezident Gurbanguly Berdimuhamedowa hasabat berdi.
Nebitgaz toplumynda ýylyň bäş aýynyň jemlerine garaldy
5-nji iýunda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 4-nji iýunda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Türkmenistan Hazarüsti gaz geçirijisiniň taslamasyny durmuşa geçirmek boýunça hyzmatdaşlar bilen gatnaşyklary dowam etmäge taýýar — DIM
Türkmenistan energetika akymlaryny diwersifikasiýalaşdyrmak strategiýasyna ygrarlydyr hem-de Hazarüsti turba geçirijisiniň taslamasyny durmuşa geçirmekde hyzmatdaşlar bilen özara hereketlerini dowam etdirmäge taýýardygyny mälim edýär. Bu barada Türkmenistanyň Daşary işler ministrligini köpçülikleýin habar beriş serişdeleri üçin ýaýradan habarynda aýdylýar.