Paýtagtymyzda Türkmenistanyň ykdysady üstünlikleriniň sergisi geçirilýär
09:54 20.09.2025 2589
18-nji sentýabrda Aşgabatda Söwda-senagat edarasynyň Sergi merkezinde Türkmenistanyň Garaşsyzlygynyň 34 ýyllygyna bagyşlanan ýurdumyzyň ykdysady üstünlikleriniň sergisi açyldy diýip, Türkmenistan halkara habarlar portaly habar berýär.
Giň gerimli sergi ýurdumyzyň ykdysadyýetindäki üstünlikleri görkezmegi we halkara hyzmatdaşlygyny pugtalandyrmagy maksat edinýär. Sergide Türkmenistanyň ykdysady kuwwatynyň esasyny düzýän dürli pudaklar öz ornuny tapdy. Oňa esasy ministrlikler, edara-kärhanalar, şeýle hem Senagatçylar we telekeçiler birleşmesiniň agzalary gatnaşdy.
Myhmanlar energetika, nebitgaz we nebithimiýa senagaty, dokma pudagy, halyçylyk, gurluşyk, ulag we aragatnaşyk ýaly ugurlarda gazanylan üstünlikler bilen tanşyp bilerler. Şeýle hem oba hojalygy, gaýtadan işleýiş we azyk senagaty, saglygy goraýyş, bilim, sport we syýahatçylyk pudaklarynda gazanylan üstünliklere aýratyn üns berildi.
Sergi ýurdumyzyň däp bolan pudaklarynyň, hem-de innowasion ugurlarynyň çalt ösüşini aýdyň görkezýär. Çäre ýerli öndürijiler bilen daşary ýurtly hyzmatdaşlaryň arasynda gepleşikler geçirmek, täze şertnamalar baglaşmak we işewür gatnaşyklary ösdürmek üçin netijeli meýdança bolup hyzmat edýär. Şeýlelikde, sergi dünýä jemgyýetçiligine Türkmenistanyň ykdysady ösüş mümkinçiliklerini görkezmegi we ýurdumyzy ynamdar, işjeň ösüş ýolundaky hyzmatdaş hökmünde tanatmagy maksat edinýär.
Türkmenistanyň ykdysady üstünlikleriniň sergisi 20-nji sentýabra çenli dowam eder.
Türkmenistanyň we Türkiýäniň Prezidenti telefon arkaly söhbetdeşlikde döwletara hyzmatdaşlygyny ösdürmegiň mümkinçiliklerini maslahatlaşdylar
Prezident Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen geçiren telefon arkaly söhbetdeşliginde köpugurly döwletara hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň Prezidenti “Dragon Oil” kompaniýasynyň ýolbaşçysy bilen nebitgaz ulgamynda hyzmatdaşlygyň geljegini maslahatlaşdy
Duşenbe güni Prezident Serdar Berdimuhamedow “Dragon Oil” kompaniýasynyň direktorlar geňeşiniň başlygy Saýed Al Taýeri kabul etdi diýip, TDH habar berýär.
Mart aýynda Aşgabatda we Dubaýda nebitgaz maýa goýum forumy geçiriler
29-30-njy martda Aşgabatda we Dubaýda «Türkmenistanyň nebiti we gazy» halkara maýa goýum forumy geçiriler. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni geçirilen Hökümet mejlisinde Prezident Gurbanguly Berdimuhamedowa hasabat berdi.
Nebitgaz toplumynda ýylyň bäş aýynyň jemlerine garaldy
5-nji iýunda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 4-nji iýunda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Türkmenistan Hazarüsti gaz geçirijisiniň taslamasyny durmuşa geçirmek boýunça hyzmatdaşlar bilen gatnaşyklary dowam etmäge taýýar — DIM
Türkmenistan energetika akymlaryny diwersifikasiýalaşdyrmak strategiýasyna ygrarlydyr hem-de Hazarüsti turba geçirijisiniň taslamasyny durmuşa geçirmekde hyzmatdaşlar bilen özara hereketlerini dowam etdirmäge taýýardygyny mälim edýär. Bu barada Türkmenistanyň Daşary işler ministrligini köpçülikleýin habar beriş serişdeleri üçin ýaýradan habarynda aýdylýar.