Türkmenistanyň Maýa goýum forumy 2025-e gatnaşyjylary hasaba almaklyk tamamlanýar
13:14 11.09.2025 1901
10-njy sentýabrda Türkmenistanyň Maýa goýum forumy – 2025-e gatnaşyjylary hasaba almagyň soňky güni boldy. Forum 18–19-njy sentýabrda “Awaza” milli syýahatçylyk zolagynda geçiriler.
Garaşylýan halkara derejeli forum dünýäniň dürli künjeginden işewürlik ýolbaşçylaryny, maýadarlaryny we bilermenleri birleşdirer. Ol “Awaza” sport toplumynyň konferensiýa merkezinde geçiriler. Şeýlelikde, işewürlik maksatnamasyna gatnaşmak bilen bir wagtda Hazar deňziniň kenarynda güýzüň ýumşak möwsüminde dynç almak mümkinçiligi hem bolar.
Häzirki wagta çenli 45 ýurtdan 500-den gowrak wekiller hasaba alyndy. Halkara çykyşçylaryň 100-den gowragy meýilleşdirildi.
Foruma 20-den gowrak resmi hemaýatkär we hyzmatdaş goldaw berýär. 10 sergi diwarlygynda esasy taslamalar we başlangyçlar görkeziler.
Türkmenistanda ilkinji gezek foruma gatnaşyjylar üçin ýörite TIF 2025 Attendee Hub atly ykjam goşundysy taýýarlanyldy. Ol şahsy gollanma bolup, iň soňky täzelikler we bildirişler bilen tanyşmaga, doly maksatnamany öwrenmäge we şahsy tertibi düzmäge, şeýle hem wekiller, maýadarlar we bilermenler bilen ygtybarly sanly gurşawda aragatnaşyk saklamaga mümkinçilik berer.
Türkmenistanyň Maliýe we ykdysadyýet ministrligi hem-de Türkmenistanyň Daşary işler ministrligi tarapyndan Turkmen Congress kompaniýasynyň goldawy bilen guralýan Türkmenistanyň Maýa goýum forumy 2025, ykdysady ösüşiň strategik ugurlary we halkara hyzmatdaşlyk meselelerini ara alyp maslahatlaşmak üçin möhüm meýdança bolup durýar.
Foruma degişli giňişleýin maglumatlary guramaçylaryň resmi saýtyndan tapyp bilersiňiz: www.tif-turkmenistan.com
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.