Has çuň gatlaklara aralaşyp
09:15 09.09.2025 14073
Hormatly Prezidentimiz geçen aýyň 29-ynda ykdysadyýetimiziň pudaklarynda şu ýylyň sekiz aýy boýunça alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň işini has-da kämilleşdirmegiň möhümdigini belläp, nebitgaz senagatyna degişli kärhanalaryň doly güýjünde işledilmegini gazanmak üçin degişli işleri geçirmegi dowam etdirmegi, geologiýa-gözleg we buraw işleriniň netijeliligini has-da ýokarlandyrmagy aýratyn tabşyrdy. Bu möhüm tabşyrykdan ugur alyp zähmet çekýän «Türkmennebit» döwlet konserniniň «Nebitgazburawlaýyş» trestiniň Balkan welaýatyndaky buraw işleri müdirliklerinde ajaýyp önümçilik görkezijilerine eýe bolunýar. Muňa tutuş konsern boýunça şu ýylyň geçen sekiz aýynda burawlanan dag jynslarynyň 110 müň 479 metre barabar bolmagy-da doly güwä geçýär. Bu döwürde önümli guýularyň 22-siniň gazuw işleri üstünlikli tamamlandy.
Has takygy, «Türkmennebit» döwlet konserniniň nebit-gaz çykaryş müdirlikleri boýunça Halkara parahatçylyk we ynanyşmak ýylynyň geçen sekiz aýynda 2 million 676 müň 934 tonnadan gowrak «gara altynyň» we 3 milliard 108 million 925 kub metre barabar «mawy ýangyjyň» alynmagynda burawlaýjylaryň mynasyp goşantlary bar.
Döwlet Baştutanymyzyň ýurdumyzyň milli ykdysadyýetiniň esasy pudagy bolan nebitgaz toplumy barasynda edýän yzygiderli aladasy netijesinde häzirki zaman önümçiliginiň iň bir kuwwatly buraw desgalaryna eýe bolup, has çuň gatlaklara ynamly aralaşmagy başarýan balkanly burawlaýjylaryň şanly ýylymyzyň başyndan bäri gazuw işlerini tamamlan guýularynyň 19-synyň ulanyş maksatly guýulardygyny aýratyn nygtamak gerek. Häzirki wagtda nebitdir gazly bu guýulary senagat taýdan özleşdirmek işleri gyzgalaňly alnyp barylýar.
«Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasynyň» üstünlikli durmuşa geçirilmegine saldamly goşant goşýan «Nebitgazburawlaýyş» trestiniň burawlaýjylary mukaddes Garaşsyzlygymyzyň
34 ýyllyk, hemişelik Bitaraplygymyzyň 30 ýyllyk şanly baýramçylyklaryna mynasyp sowgatly barmak maksady bilen şu günler has çuň gatlaklara ynamly aralaşýarlar.
Muhammetgylyç TAGANGYLYJOW
«Galkynyş» gaz känindäki guýudan senagat ähmiýetli gaz akymy alyndy
«Türkmengaz» döwlet konserniniň «Türkmengazburawlaýyş» müdirliginiň gazçylary tarapyndan «Galkynyş» gaz känindäki 271-nji belgili ulanyş gaz guýusynda buraw işleriniň 4 müň 665 metr çuňlukda üstünlikli ýerine ýetirilmegi hem-de ýer astynda 4518 — 4333 metr aralyklardaky gatlaklarda jemi 105 metr aralykda geçirilen atyş-partladyş işleriniň netijesinde tebigy gazyň ýokary basyşly, senagat ähmiýetli akymy alyndy.
Ylmy-barlag we taslama işleri Türkmenistanyň nebitgaz pudagyny ösdürmäge ýardam edýär
«Türkmengaz» döwlet konserniniň Ylmy-barlag tebigy gaz instituty ýurdumyzyň ýangyç-energetika toplumyny ösdürmek üçin onuň öňünde duran köp sanly toplumlaýyn meseleleri üstünlikli çözmäge ýardam etmek bilen, geologiýa gözleg, ýataklary işläp geçmeklige taýýarlamak we ulanyşa goýbermek, burawlamak, gaz pudagynyň ähli desgalarynda gurmak-gurnamak we durkuny täzelemek, şol sanda gazy gaýtadan işlemek we taýýar önümi sarp edijilere ugratmak boýunça ylmy-barlag we taslama işlerini ýerine ýetirýär.
Suw arassalaýjylaryň hyzmaty
«Türkmengaz» döwlet konserniniň «Marygazçykaryş» müdirliginiň Durmuş taýdan dolandyryş edarasynyň suw, bug üpjünçilik sehiniň «Garybata» suw arassalaýjy desgasy hem kuwwatly kärhanalaryň biridir.
Zawodlar toplumyndaky buýsançly ösüşler
Ýeriň jümmüşindäki nebit çig malynyň tassyklanan gorlarynyň on göterimine barabarynyň berkarar türkmen döwletiniň paýyna düşýändigi buýsançly hakykatdyr. Türkmen topragyna rowa görlen bu uly baýlygy halkymyzyň jana-jan bähbitlerine gönükdirmek hormatly Prezidentimiziň döwlet syýasatynyň ileri tutulýan ugurlarynyň hatarynda durýar. Milli ykdysadyýetimiziň ýangyç-energetika pudagynyň kerwenbaşysy bolan «Türkmennebit» döwlet konserniniň Türkmenbaşydaky nebiti gaýtadan işleýän zawodlar toplumynda diňe soňky ýyllarda alnyp barylýan ägirt uly işler hem muny bütin aýdyňlygy bilen subut edýär.
Ümzükleri ileri, maksatlary aýdyň
«Daşoguzgazüpjünçilik» müdirliginiň baýry kärhanalarynyň biri bolan «Boldumsazetrapgaz» gaz hojalyk edarasynyň işçi-hünärmenleri etrabyň ilatyny we edara-kärhanalaryny gymmatly «mawy ýangyç» bilen üpjün etmekde ýokary netijelere eýe bolýarlar. Dürli derejeli işçi-hünärmenleriň bir ýüz otuza golaýynyň agzybirlik bilen işleýän zähmet köpçüliginde her bir işde halypa gazçylaryň göreldesine eýerilýändigini, ýaş hünärmenleriň öz hünär ussatlyklaryny artdyrmaklarynda baý iş tejribesine eýe bolan işgärleriň möhüm ornunyň bardygyny edaranyň ýolbaşçylary buýsanç bilen gürrüň berýärler.