TIF 2025 forumy pudagyň öňdebaryjy işewürlerini türkmen paýtagtynda jemlär
17:28 27.08.2025 2959
Şu ýylyň 18-19-njy sentýabrynda Aşgabatdaky «Ýyldyz» myhmanhanasynda Türkmenistanyň Maýa goýum forumy (TIF 2025) geçiriler. Forumyň resmi saýtynyň (www.tif-turkmenistan.com) maglumatyna görä, wekiller üçin hasaba almaklyk 4-nji sentýabra çenli dowam edýär.
Geljekki forum dünýäniň dürli künjeklerinden işewürleri, döwlet wekillerini we hünärmenleri birleşdirer. Häzirki wagtda dünýäniň dürli künjeginden işewürler foruma uly gyzyklanma bildirýärler: 35 ýurtdan 250-den gowrak wekil, şol sanda 50-den gowrak spiker gatnaşmagyny tassyklady.
Ýörite hyzmatdaşlaryň arasynda John Deere, Çalık Enerji, Daewoo E&C, Wirtgen Group we Damen Shipyards Group ýaly iri kompaniýalar bar.
Forumyň şygary — «Milli mümkinçilikler, halkara hyzmatdaşlyk». Çärede täze pikirler anyk taslamalara öwrülip, Türkmenistana gönükdirilen maýa goýumlaryny giňeltmek üçin täze mümkinçilikler açylar.
Iki gün dowam etjek forumyň dowamynda gatnaşyjylar ýurduň iň täze ykdysady özgertmeleri we maýa goýum başlangyçlary bilen tanyşmak bilen bir hatarda, döwlet we hususy hyzmatdaşlar bilen gönüden-göni gatnaşyklary ýola goýmak mümkinçiligine eýe bolarlar.
Programmanyň çäginde strategik panel maslahatlary, maýa taslamalarynyň tanyşdyrylyşy, işewür duşuşyklar, ussatlyk sapaklary we medeni çäreler guralar.
Ýerleriň çäklidigi sebäpli, guramaçylar ähli gyzyklanýan taraplary resmi saýtyň üsti bilen mümkin boldugyndan çalt hasaba alynma geçmäge çagyrýarlar.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.