Döwrebap tehnikalar nebitçilere guýulary netijeli abatlamaga ýardam edýär
17:28 27.08.2025 2457
Türkmenistanda esasy nebit çykaryjy kärhana bolan «Türkmennebit» döwlet konserni geologiýa-gözleg işlerini, guýulary burawlamagy we olaryň düýpli bejeriş işlerini işjeň dowam etdirýär. Türkmenistanyň Prezidentiniň başlangyçlary bilen, nebitçileriň ýokary öndürijilik görkezijilerine ýetmegine ýardam berýän döwrebap we ýokary netijeli tehnikalar yzygiderli satyn alynýar.
Ýakynda «Türkmennebit» DK-nyň «Nebitgazdüýpliabatlaýyş» trestine köpugurly kuwwatly tehnikalaryň onlarçasynyň gelip gowuşmagy netijesinde, işlemän ýatan guýularyň hem-de önümçiligi peselen guýularyň ýokary hilli düýpli bejeriş işlerini geçirmek üçin giň mümkinçilikler açyldy.
Döwrebap enjamlaryň peýdalanylmagy hereketdäki we togtadylan guýularda ýüze çykýan kynçylyklary netijeli aradan aýyrmaga mümkinçilik berýär. Bu bolsa olaryň öz wagtynda täzeden işe girizilmegine şert döredýär.
Şeýle hem awtoulag we ýöriteleşdirilen tehnikalar gullugyna Hytaýda öndürilen TY-160 kysymly bäş sany zynjyrly traktor gelip gowuşdy. Bu wakanyň nebitçiler üçin ähmiýeti uly bolup, täze tehnikalar Goturdepe we Barsagelmez ýataklaryna ugradylar hem-de önümçiligiň artmagyna saldamly goşant goşar.
Nebitçiler täze tehnikalaryň üstünlikleriniň ygtybarly binýadyna öwrüljekdigine ynanýarlar we netijeli işlemäge giň mümkinçilik döredendikleri üçin Gahryman Arkadagymyza we Arkadagly Gahryman Serdarymyza minnetdarlyk bildirýärler.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.