Global media hyzmatdaşlar OGT-2025-iň giňden şöhlelendirilmegini üpjün ederler
10:31 22.08.2025 1468
22-24-nji oktýabr aralygynda Aşgabatda geçiriljek OGT – 2025 halkara maslahaty we sergisi öňdebaryjy neşirler bilen hyzmatdaşlygyň netijesinde halkara habarlar giňişliginde giňden beýan ediler diýip, çäreleriň guramaçylary habar berýärler.
Media hyzmatdaşlarynyň arasynda Energy Intelligence, S&P Global Platts, Natural Gas World, NewsBase, The Investor we TRT bar. Olar Aşgabatdan giňişleýin reportažlary, eksklýuziw interwýulary hem-de çalt habarlary hödürläp, möhüm habarlary, strategik seljerme hasabatlaryny we maýa goýum mümkinçiliklerini dünýäniň dürli künjeklerindäki çözgüt kabul edijilere hem-de pudak boýunça gyzyklanýan taraplara ýetirerler.
Giň gerimli ekspozisiýasy, ýokary derejeli halkara gatnaşygynyň bolmagy we dünýä metbugatynyň giň üns bermegi netijesinde OGT – 2025 diňe bir Türkmenistanyň energetika pudagynyň sergisi bolman, eýsem, strategik hyzmatdaşlygy ösdürmek, maýa goýumlary çekmek we Ýewraziýada energetiki hyzmatdaşlygyň geljegini emele getirmek üçin güýçli meýdança hökmünde hem çykyş etmegi wada berýär.
Goşmaça maglumatlary www.ogt-turkmenistan.com saýtyndan tapyp bolar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.