OGT Expo sergisinde 2025-nji ýylyň iň gowy diwarlygy üçin baýrak gowşurylar
17:32 18.08.2025 3667
22-24-nji oktýabr aralygynda Aşgabatda geçiriljek «Türkmenistanyň nebiti we gazy – 2025» (OGT 2025) atly 30-njy halkara forumyň çäginde maslahat bilen birlikde dünýäniň öňdebaryjy pudak kompaniýalarynyň, tehnologiýa we enjam üpjün edijileriniň sergisi hem geçiriler.
Forumyň guramaçylarynyň belleýşi ýaly, däbe görä OGT Expo sergisinde iň oňat diwarlyklar (stendler) döredijilik mümkinçilikleri, innowasiýalar we brendi täsirli görkezmek boýunça ýörite baýrak bilen sylaglanar.
2024-nji ýylda halkara kompaniýalaryň arasynda iň gowy stend dizaýny üçin baýrak Hytaýyň Milli Nebit we Gaz Korporasiýasyna (CNPC) gowşuryldy, türkmen kompaniýalarynyň arasynda bolsa «Gujurly Inžener (ES)» iň gowy stend baýragyna mynasyp boldy.
2025-nji ýylda bu baýraklar ýene-de şu iki nominasiýa boýunça gowşurylar, ýeňijileriň atlary bolsa ýapylyş dabarasynda yglan ediler. Bu bolsa öňdebaryjy sergiçileriň abraýly ykrar edilmegine we giňden tanalmagyna ýardam eder.
Geçen ýylda OGT 2024 sergisine 50 ýurtdan 10 müňden gowrak adam, şol sanda iri energetika kompaniýalary we enjam öndürijiler gatnaşdy.
2025-nji ýylyň sergisi bolsa öňki rekordlaryndan hem geçmegi, halkara hyzmatdaşlygynyň gerimini giňeltmegi we maýa goýumlar, innowasiýalar hem-de hyzmatdaşlyk üçin täze mümkinçilikleri açmagy maksat edinýär.
Gahryman Arkadagymyz Balkan welaýatynda täze howa menziliniň gurluşyk işleriniň barşy bilen tanyşdy
Balkan welaýatyna iş saparynyň çäklerinde Türkmenistanyň Halk Maslahatynyň Başlygy Gurbanguly Berdimuhamedow Jebel şäherçesinde täze Halkara howa menziliniň gurluşygynyň güýçli depginde dowam edýän ýerine baryp, alnyp barylýan giň möçberli gurluşyk işleri bilen tanyşdy. Bu barada TDH habar berýär.
Türkmenistanyň wekiliýeti Tatarystan nebitgaz forumyna gatnaşdy
«Kazan Ekspo» halkara sergi merkezinde 31-nji awgustdan 2-nji sentýabr aralygynda Tatarystan nebitgazhimiýa forumy – 2022 geçirildi. Oňa iki müňden gowrak wekil gatnaşdy. Türkmenistandan foruma «Türkmengaz» we «Türkmennebit» döwlet konsernleriniň, «Türkmengeologiýa» döwlet korporasiýasynyň wekilleri gatnaşdy. Bu barada Türkmenistanyň Kazandaky Baş Konsullygynyň saýtynda habar berilýär.
«Demirgazyk akymy» bilen bagly ýagdaý zerarly Ýewropada gaz 30% gymmatlady
«Demirgazyk akymy» gaz geçirijisiniň togtamagynyň dowam etmegi netijesinde Ýewropada gazyň spot bahasy 30%-e golaý ýokarlanyp, müň kub metrine 2900 dollara ýetdi diýip, Interfaks habar berýär.
Türkmenistan benziniň iň arzan ýurtlarynyň sanawynda 7 orna çykdy
Türkmenistan benziniň bahasy iň arzan ýurtlarynyň sanawynda 7-nji orny eýeleýär. Muňa 29-njy awgustda GlobalPetrolPrices internet-neşiri tarapyndan neşir edilen dünýäde motor ýangyjynyň bahalary hakyndaky maglumatlar şaýatlyk edýär.
Türkmenistanyň we Saud Arabystanynyň wekilleri hyzmatdaşlygy ösdürmegiň mümkinçiliklerini bellediler
2-nji aprelde Türkmenistanyň daşary işler ministri Raşid Meredow bilen Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Muhammed Al Saudyň arasynda geçirilen duşuşykda iki ýurduň arasyndaky syýasy-diplomatik, söwda-ykdysady we medeni-ynsanperwer hyzmatdaşlygyň möhüm taraplaryny ara alyp maslahatlaşyldy diýip, Türkmenistanyň DIM-niň metbugat gullugy habar berdi.