Yslamabatda TOPH gaz geçirijisiniň durmuşa geçirilişini tizleşdirmek meseleleri we beýleki bilelikdäki taslamalar maslahatlaşyldy
16:33 13.08.2025 2881
12-nji awgustda Türkmenistanyň Pakistan Yslam Respublikasyndaky ilçisi Atajan Möwlamow Pakistanyň maliýe we girdejiler boýunça federal ministri, senator Muhammat Aurangzeb bilen duşuşdy diýip, Türkmenistanyň Pakistandaky ilçihanasynyň saýtynda habar berilýär.
Duşuşygyň dowamynda taraplar maliýe-ykdysady ugurda hyzmatdaşlygyň häzirki ýagdaýy we geljegi bilen baglanyşykly meseleler boýunça pikir alyşdylar.
Taraplar türkmen-pakistan gatnaşyklarynyň dostlukly häsiýeti nygtalyp, özara peýdaly taslamalary we başlangyçlary durmuşa geçirmek boýunça hyzmatdaşlygy has-da berkitmäge gyzyklanma bildirdiler.
Duşuşykda TOPH taslamasynyň durmuşa geçirilmegini tizleşdirmäge, söwda-ykdysady gatnaşyklary giňeltmäge, özara maýa goýumlaryny höweslendirmäge we işewürlik işjeňligi üçin amatly şertleri döretmäge aýratyn üns berildi.
Netijede, taraplar netijeli hyzmatdaşlygy ösdürmäge ygrarlydyklaryny tassyklap, bilelikdäki başlangyçlaryň durmuşa geçirilmeginiň durnukly durmuş-ykdysady ösüşe we Türkmenistan bilen Pakistanyň arasyndaky özara bähbitli gatnaşyklaryň berkemegine ýardam etjekdigine ynam bildirdiler.
Gahryman Arkadagymyz Balkan welaýatynda täze howa menziliniň gurluşyk işleriniň barşy bilen tanyşdy
Balkan welaýatyna iş saparynyň çäklerinde Türkmenistanyň Halk Maslahatynyň Başlygy Gurbanguly Berdimuhamedow Jebel şäherçesinde täze Halkara howa menziliniň gurluşygynyň güýçli depginde dowam edýän ýerine baryp, alnyp barylýan giň möçberli gurluşyk işleri bilen tanyşdy. Bu barada TDH habar berýär.
Türkmenistanyň wekiliýeti Tatarystan nebitgaz forumyna gatnaşdy
«Kazan Ekspo» halkara sergi merkezinde 31-nji awgustdan 2-nji sentýabr aralygynda Tatarystan nebitgazhimiýa forumy – 2022 geçirildi. Oňa iki müňden gowrak wekil gatnaşdy. Türkmenistandan foruma «Türkmengaz» we «Türkmennebit» döwlet konsernleriniň, «Türkmengeologiýa» döwlet korporasiýasynyň wekilleri gatnaşdy. Bu barada Türkmenistanyň Kazandaky Baş Konsullygynyň saýtynda habar berilýär.
«Demirgazyk akymy» bilen bagly ýagdaý zerarly Ýewropada gaz 30% gymmatlady
«Demirgazyk akymy» gaz geçirijisiniň togtamagynyň dowam etmegi netijesinde Ýewropada gazyň spot bahasy 30%-e golaý ýokarlanyp, müň kub metrine 2900 dollara ýetdi diýip, Interfaks habar berýär.
Türkmenistan benziniň iň arzan ýurtlarynyň sanawynda 7 orna çykdy
Türkmenistan benziniň bahasy iň arzan ýurtlarynyň sanawynda 7-nji orny eýeleýär. Muňa 29-njy awgustda GlobalPetrolPrices internet-neşiri tarapyndan neşir edilen dünýäde motor ýangyjynyň bahalary hakyndaky maglumatlar şaýatlyk edýär.
Türkmenistanyň we Saud Arabystanynyň wekilleri hyzmatdaşlygy ösdürmegiň mümkinçiliklerini bellediler
2-nji aprelde Türkmenistanyň daşary işler ministri Raşid Meredow bilen Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Muhammed Al Saudyň arasynda geçirilen duşuşykda iki ýurduň arasyndaky syýasy-diplomatik, söwda-ykdysady we medeni-ynsanperwer hyzmatdaşlygyň möhüm taraplaryny ara alyp maslahatlaşyldy diýip, Türkmenistanyň DIM-niň metbugat gullugy habar berdi.