Awazada «Hazar deňzi – dostluk we parahatçylyk deňzi» atly ylmy-amaly maslahat geçirildi
16:35 13.08.2025 1346
11-12-nji awgustda «Awaza» milli syýahatçylyk zolagynda Hazar deňziniň gününe bagyşlanan çäreler geçirildi. Bu barada Türkmenistanyň DIM-niň saýtynda habar berilýär.
Irden, 12-nji awgustda Hazar deňzi institutynyň direktory Myrat Atajanowyň alyp barmagynda «Hazar deňzi – dostluk we parahatçylyk deňzi» atly ylmy-amaly maslahatyň açylyşy dabarasy geçirildi.
Maslahatyň açylyşy Prezident Serdar Berdimuhamedowyň «Hazar deňzi — dostluk we parahatçylyk deňzi» atly ylmy-amaly maslahata gatnaşyjylara ýollan Ýüzlenmesi bilen dabaralandyryldy.
Çärä Türkmenistanyň ygtyýarly wekilleri, Aşgabatda akkreditlenen Hazarýaka döwletleriniň Ilçileri, BMG, ÝHHG, ÝB ýaly halkara we sebit guramalarynyň wekilhanalarynyň ýolbaşçylary, şeýle hem halkara bilermenler gatnaşdylar.
Türkmenistan Ministrler Kabinetiniň Başlygynyň orunbasary, Daşary işler ministri Raşid Meredow öz çykyşynda Hazar deňziniň daşky gurşawyny goramak meselelerini, hususan-da Hazar deňziniň suw hem-de biologik serişdelerini gorap saklamak we rejeli peýdalanmak barada Ylalaşygy ilerletmekde Türkmenistanyň işjeň we konstruktiw ornuny belläp geçdi.
BMG-niň Baş Assambleýasynyň 78-nji sessiýasynyň umumy mejlisinde Prezident Serdar Berdimuhamedowyň öňe süren Hazar ekologik başlangyjynyň ähmiýeti aýratyn nygtaldy.
Maslahatyň dowamynda Türkmenistanyň Hazarýaka döwletleri, halkara düzümler we guramalar, şeýle hem Hazar deňzi bilen bagly meseleleriň ähli ugurlary boýunça gyzyklanma bildirýän taraplar bilen ýakyn hyzmatdaşlyga ygrarlylygy bellenildi.
Maslahatda gidrometeorologiýa, Hazar deňziniň ösümlik we haýwanat dünýäsini goramak hem-de ylmy taýdan öwrenmek, şeýle hem ekologiki kadalary we düzgünleri berjaý etmek ýaly ulgamlarda Hazarýaka döwletleriniň arasyndaky hyzmatdaşlygyň ileri tutulýan ugurlary boýunça hasabatlar diňlenildi.
Maslahata gatnaşyjylar Hazar deňziniň dostluk we parahatçylyk deňzidigini bellediler hem-de Hazaryň deňiz gurşawyny durnukly ösdürmek we goramak maksady bilen halkara hyzmatdaşlygyny pugtalandyrmagy we giňeltmegi maksat edinýän bilelikdäki işleri dowam etdirmäge çagyrdylar.
Maslahatyň jemleýji bölüminde oňa gatnaşyjylar Türkmenistanyň Prezidentiniň adyna Ýüzlenme kabul etdiler.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.