Ýagşygeldi Kakaýew adyndaky HNGU-nyň talyplary Hytaýda öňdebaryjy tehnologiýalary öwrenýärler
10:39 15.07.2025 1361
Türkmenistan bilen Hytaýyň arasynda ösdürilýän akademiki alyş-çalşygyň çäginde Ýagşygeldi Kakaýew adyndaky Halkara nebit we gaz uniwersitetiniň talyplary häzirki wagtda Pekindäki Hytaý nebit uniwersitetinde (HNU) okuw-önümçilik tejribesini geçýärler. Bu barada «Neýtralnyý Türkmenistan» gazeti habar berýär.
Üç hepdelik maksatnama diňe bir çuňňur nazary bilimleri almak bilen çäklenmän, eýsem, öňdebaryjy tehnologiýalar bilen tanyşmaga hem mümkinçilik berýär. Talyplar HNU-nyň häzirki zaman okuw we ylmy-barlag merkezlerine, barlaghanalaryna baryp görýärler. Maksatnamanyň möhüm bölegi hökmünde Hytaýyň Geologiýa muzeýine, Ylym we tehnologiýa muzeýine, şeýle hem Hytaýyň milli nebit kompaniýasy CNPC-niň önümçilik desgalaryna tanyşdyryş saparlary guralýar. Bu bolsa olara önümçilik prosesleriniň hakyky ýagdaýlary bilen tanyşmaga mümkinçilik berýär.
Tejribelik döwründe talyplar gysga möhletli okuwlara gatnaşýarlar. Olar hytaý dili we medeniýeti bilen tanyşlyk, “ýaşyl” energetika we uglerod zyňyndylarynyň azaltmagy, nebit we gazyň geljegi, Beýik Ýüpek ýoly giňişliginde energetika hyzmatdaşlygy ýaly ugurlary öz içine alýar. Bu mowzuklar dünýäde energiýa ulgamynyň ekologiýalaşdyrylmagy, uglerod bitaraplygyna ýetmek we Ýewraziýa sebitinde serişdeleriň daşalmagynyň strategik ähmiýeti ýaly möhüm ählumumy tendensiýalary şöhlelendirýär.
Şol bir wagtyň özünde, HNGU-nyň beýleki bir topar talyby «CNPC International Ltd-niň» Türkmenistandaky şahamçasynda önümçilik tejribesini geçýär. Bu bolsa halkara we milli tejribäniň sazlaşykly utgaşdyrylmagyny üpjün edip, giň gözýetimli, döwrebap hünärmenleriň taýýarlanmagyna itergi berýär.
Nebitgaz pudagy üçin ýokary derejeli hünärmenleri taýýarlamak maksady bilen guralýan şeýle maksatnamalar öňdebaryjy halkara tejribeleri ornaşdyrmaga we täze nesliň hünärmenlerini taýýarlamagyň durnukly modelini döretmäge ýardam edýär.
Dünýäde “ýaşyl” energetika geçilýän we “akylly” tehnologiýalaryň (emeli aň, zatlaryň interneti, awtomatlaşdyrma) giňden ornaşdyrylýan döwründe bu ýaly başlangyçlaryň ähmiýeti has-da artýar. Hytaý ýokary okuw jaýlarynyň önümçilik bilen ýakyn hyzmatdaşlykda işleýän, okuw maksatnamalarynyň bolsa “Senagat 4.0” döwrüne laýyk gelýän toplumlaýyn ösüş modelini görkezýär. Bu bolsa ýaşlara geljek üçin zerur bolan başarnyklary berýär.
Bu netijeli tejribe 2023-nji ýylda HNGU bilen Hytaýyň Milli nebit-gaz korporasiýasynyň (CNPC) we HNU-nyň arasynda gol çekilen düşünişmek hakyndaky Ähtnamalaryň netijesinde mümkin boldy. Bu resminamalar akademiki alyş-çalşygy giňeltmäge, hünär başarnyklaryny kämilleşdirmäge we Hytaýyň üstünlikli bilim tejribelerini Türkmenistanyň ýokary okuw mekdeplerine ornaşdyrmaga gönükdirilendir.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.