“Galkynyş” käninde nobatdaky gaz guýusy ulanyşa girizildi
16:59 17.06.2025 4366
"Türkmengaz" döwlet konserni "Galkynyş" ägirt uly gaz känini tapgyrlaýyn özleşdirmek boýunça giň gerimli işleri alyp barýar. Käniň häzirki ulanyş tapgyrynyň çäklerinde "Marygazçykaryş" müdirliginiň buýrugy esasynda "Türkmengazburawlaýyş" müdirligi tarapyndan 4000 metrden gowrak çuňlukda ýerleşýän №264 guýusy burawlandy.
Netijede, 3852 metrden 4011 metre çenli çuňluk aralygynda ýerleşýän öndürijilikli gatlak açyldy. Şol ýerde tebigy gazyň gije-gündizleýin çykarylyş möçberi 2 million 240 müň kub metre deň bolan gaz akymy alyndy.
Hünärmenleriň pikirine görä, bu gaz guýusy geljekde ýurduň ýangyç-energetika toplumynyň senagat kuwwatyny pugtalandyrmakda uly ähmiýete eýe bolup biler.
"Galkynyş" käniniň gorlary häzirki wagtda Türkmenistanda özleşdirilýän gaz känleriniň ählisinden giň bolup, ony dünýäniň iň iri "mawy ýangyç" çeşmeleriniň dörtlüginiň hataryna goşmaga mümkinçilik berýär. Umumy gaz gorlary boýunça ol diňe Eýran bilen Kataryň çäginde ýerleşýän "Günorta Parsdan" (gorlary – 28 trillion kub metr) yzda galýar we dünýäde ikinji iň uly gaz käni diýen ýalydyr.
Bu kän boýunça alnyp barylýan işler ýurduň ýangyç-energetika toplumyny mundan beýläk-de ösdürmäge, önümçilik kuwwatlyklaryny giňeltmäge, şeýle hem eksport mümkinçiliklerini pugtalandyrmaga gönükdirilendir.
Şeýle-de, bu ugurda häzirki zaman tehnologiýalarynyň, uglewodorod serişdelerine baý geologik gatlaklary özleşdirmegiň öňdebaryjy usullarynyň ornaşdyrylmagy, ýangyç-energetika ulgamyndaky halkara hyzmatdaşlygynyň ugurlarynyň giňeldilmegi, daşary ýurtly hyzmatdaşlar bilen uzak möhletleýin we özara peýdaly gatnaşyklaryň ýola goýulmagy möhüm ähmiýete eýedir.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.