Ýurdumyzda tebigy gazyň çykarylýan möçberini artdyrmak boýunça döwletimiz tarapyndan «Türkmengaz» döwlet konserniniň öňünde goýulýan wezipeleriň ýerine ýetirilmegine konserniň iri önümçilik düzümi bolan «Marygazçykaryş» müdirliginiň gazçylary saldamly goşantlaryny goşýarlar.
Müdirlik boýunça «Galkynyş» we beýleki gaz känlerinde ulanyş guýularynyň önümçilige girizilmegi bilen ýeriň astyndan alynýan uglewodorod çig malynyň akymy barha artdyrylýar. Önümçilikde ýokary netijeleriň gazanylmagynda gaz çykaryjylar bilen müdirligiň Durmuş taýdan dolandyryş edarasynyň suw, bug üpjünçilik sehiniň işgärleriniň işleriniň jebis, sazlaşykly guralmagynyň möhüm ähmiýete eýe bolýandygyny aýtmak gerek.
