«Türkmengazakdyryş» birleşiginiň «Gündogargazakdyryş» müdirliginiň iri önümçilik düzümi bolan «Bagtyýarlyk» önümçilik meýdançasy döwrebap tilsimatly enjamlar bilen enjamlaşdyrylan häzirki zaman senagat kärhanasydyr.
Önümçilik meýdançasy kuwwatly gaz gysyjy hem-de gazy guradyjy desgalary we beýleki tehnologik hyzmat ediş gulluklaryny özünde jemleýär. Bu ýerde tehnologik işleriň bir bitewi sazlaşykda guralmagy esasynda «mawy ýangyç» senagat taýdan gaýtadan işlenilip, ondan dünýä ülňülerine laýyk gelýän ýokary hilli harytlyk tebigy gaz taýýarlanylýar.
