Ýokary netijelilige beslendi
05:30 13.04.2025 1534
Golaýda «Türkmengaz» döwlet konserniniň Ylmy-barlag tebigy gaz institutynyň ýaş alymlarynyň we hünärmenleriniň gatnaşmagynda ylmy-amaly seminary geçirildi. Ýokary guramaçylyk derejesinde dowam eden seminarda ylmy garaýyşlara hem-de bu ugurda özara pikir alyşmalara giň orun berildi.
Bellenlişi ýaly, ýurdumyzyň ýangyç-energetika pudagy milli ykdysadyýetimiziň möhüm pudaklarynyň biri bolup durýar. Şonuň netijesinde Berkarar döwletimiziň täze eýýamynyň Galkynyşy döwründe pudagyň işini döwrebaplaşdyrmak, maddy-enjamlaýyn binýadyny yzygiderli pugtalandyrmak, ýaş hünärmenleriň bilim derejelerini artdyrmak hem-de bu ugurda alnyp barylýan ylmy işleri hemmetaraplaýyn goldamak boýunça ähli mümkinçilikler we şertler döredilýär.
Seminarda ýokary ýaş alymlaryň we hünärmenleriň bilimini, ylmy medeniýetini ýokarlandyrmak, geologiki barlaglary, geotehnologiki meseleleri çözmeklige gönükdirilen innowasion tehnologiýalara erk etmek, gaz ýataklaryny özleşdirmek, tebigy gazy akdyrmak we gaýtadan işlemek, gaz pudagynyň ykdysady we ekologiki meselelerini ara alyp maslahatlaşmak boýunça pikir alşyldy. Institutyň Geofizika bölüminiň ylmy işgäri Aganazar Samakow nebitgaz ýataklarynyň üç ölçegli geologiki-gidrodinamiki modellerini döretmekde öňdebaryjy programma üpjünçiliklerini ulanmak boýunça giňişleýin çykyş etdi.
Onuň gün tertibine laýyklykda, institutyň Geofizika bölüminde bar bolan Schlumberger kompaniýasynyň «GeoFrame», Russiýa Federasiýasynyň Merkezi geofiziki ekspedisiýasynyň «DV-1 Discovery», «SeisGeo», «ГеоПоиск» ýaly döwrebap programma üpjünçiliklerini ulanmagyň esasynda Gögerendag-Ekerem tektoniki bozulmalar zolagynyň merkezi bölegindäki Gamyşlyja we Körpeje känleriniň gurluşara eňňidinde ýerleşýän Gündogar Gamyşlyja meýdançasynda geçirilen UÇNU 3D seýsmiki barlag we GGB-nyň maglumatlaryny seýsmogözlegiň, buraw işleriniň maglumatlaryny toplumlaýyn teswirlemek arkaly öwrenilip, alnan netijeleriň esasynda ylmy taýdan esaslandyrylyp taýýarlanan teklipler babatynda bellenilip geçildi. Geljekde bu babatdaky alnyp barylýan ylmy-barlag işleri önümçilik bilen utgaşykly mundan beýläk hem dowam etdirmegiň möhümdigi bellenildi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.