TEIF 2025 Halkara forumynda OPEK-iň Baş sekretary çykyş eder
07:58 04.03.2025 3474
OPEK 2025-nji ýylyň 23-24-nji aprelinde Malaýziýanyň Kuala-Lumpur şäherinde geçiriljek Türkmenistanyň ykdysadyýetine daşary ýurt maýa goýumlaryny çekmek boýunça halkara forumyna (TEIF 2025) möhüm goşant goşar.
Iri forumyň guramaçylarynyň habar bermegine görä, oňa OPEK-iň Baş sekretary Haýtam Al-Gaýs gatnaşar. Ol ählumumy energetika gün tertibiniň geljegi barada çykyş eder.
OPEK ýolbaşçysynyň gatnaşmagy Türkmenistanyň halkara energetika giňişligindäki möhüm ornunyň dünýä derejesinde ykrar edilýändigini görkezýär.
Al-Gaýsyň umumy mejlisde etjek çykyşynda dünýäde nebitiň we gazyň häzirki ýagdaýy hem-de geljegi boýunça möhüm maglumatlar beýan ediler. Ol çykyşynda energetika pudagyndaky esasy ýörelgeler, strategik çaklamalar we OPEK-iň garaýyşlary bilen paýlaşar.
Bu goşant TEIF 2025 forumy üçin aýratyn ähmiýetlidir, sebäbi ol Türkmenistanyň energetika pudagyndaky ornunyň barha artýandygyny nygtaýar.
Al-Gaýsyň garaýyşlary Türkmenistanyň energetika pudagyndaky maýa goýum mümkinçiliklerine aýratyn baha bermäge kömek edip, mümkin bolan maýadarlara möhüm maglumatlary hödürlär. Onuň çykyşynda bazaryň durnuklylygy, geljekki energiýa islegi we energetika pudagyndaky halkara hyzmatdaşlygyň ähmiýeti ýaly mowzuklar beýan ediler diýlip garaşylýar.
Şeýle görnükli şahsyýetiň gatnaşmagy bilen TEIF 2025 halkara energetika hyzmatdaşlygyny ösdürmek üçin esasy meýdança hökmünde öz ornuny has-da berkidýär.
TEIF 2025 forumynyň esasy guramaçylary bolup “Türkmengaz” we “Türkmennebit” döwlet konsernleri, Türkmenistanyň Söwda-senagat edarasy hem-de “Turkmen Energy Forum” hojalyk jemgyýeti çykyş edýär.
«Demirgazyk akymy» boýunça ibermeler dikeldilenden soň hem Ýewropada gazyň bahasy arzanlamady
«Demirgazyk akymy» boýunça ibermeler dikeldilenden soň hem Ýewropada gazyň bahasy arzanlamady. Eýýäm bir hepde bäri bahalar müň kub metrine 1600 dollar derejesinde saklanýar.
Çökgünlik howpy nebitiň bahalaryny aşakladýar — analitikler II ýarym ýylda Brentiň bahalarynyň 100 dollar bolmagyna garaşýarlar
Energiýa geçirijileriň bazarynda çökgünlik zerarly dünýä ykdysadyýetinde emele gelip biljek çökgünlik bilen bagly howatyrlanmalar iýul aýynyň dowamynda Brent nebitiniň bahalaryny 7% aşaklatdy. Bu günki gün barreliň bahasy 103 dollardan aşaklatdy. Pudaklaýyn analitikler bahalaryň ýene-de birnäçe dollar aşaklajakdygyna we şol derejede 2022-nji ýylyň ahyryna çenli saklanjakdygyna ynanýarlar diýip, Interfaks habar berýär.
Serdar Berdimuhamedow: Türkmenistan Merkezi Aziýa döwletleriniň üsti bilen energiýa geçirijileriniň ibermelerini artdyrmaga taýýar
Penşenbe güni Çolpon-Atada (Gyrgyzystanyň Yssyk-Köl welaýaty) Merkezi Aziýa döwletleriniň Baştutanlarynyň dördünji Konsultatiw duşuşygy geçirildi. Duşuşyga Gazagystanyň, Özbegistanyň, Türkmenistanyň we Täjigistanyň Prezidentleri gatnaşdy.
Awtobenzin we suwuklandyrylan gaz TDHÇMB-niň söwdalarynyň walýuta geleşikleriniň esasyny düzdi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 73-si hasaba alyndy. Olaryň jemi bahasy ABŞ-nyň 41 million 403 müň dollaryndan gowrak boldy.
Türkmenistanyň wekiliýeti Ýaponiýada nebitgaz we beýleki ugurlarda hyzmatdaşlygy ösdürmegi maslahatlaşdylar
27-nji ýanwarda Tokio şäherinde iki ýurduň Daşary işler ministrlikleriniň arasynda türkmen-ýapon syýasy geňeşmeleri geçirildi. Duşuşygyň dowamynda ikitaraplaýyn gün tertibiniň ähli toplumy, şol sanda nebitgaz topumy boýunça okgunly ösdürilýändigi nygtaldy. Bu barada Türkmenistanyň DIM-i habar berýär.