Türkmenistanyň BSG girmeginiň çäklerinde senagat we söwda syýasatynyň meseleleri maslahatlaşyldy
11:56 28.02.2025 3265
26-27-nji fewralda ÝHHG-niň Aşgabatdaky merkezinde geçirilen okuw maslahatynda Türkmenistanyň Bütindünýä Söwda Guramasyna (BSG) goşulmagynyň geljegi bilen bagly milli senagat we söwda syýasatynyň meseleleri ara alnyp maslahatlaşyldy.
Çärä Türkmenistanyň Maliýe we ykdysadyýet ministrligi ÝHHG-niň Merkezi bilen bilelikde guramaçylyk etdi. Okuw maslahaty döwlet edaralarynyň wekillerini jemläp, BSG-niň şertlerinde senagata we söwda döwlet goldawyny bermek meselelerine bagyşlandy.
Duşuşygyň dowamynda BSG-niň düzgünleri bilen sazlaşykly senagat we söwda goldawynyň esasy ýörelgeleri ara alnyp maslahatlaşyldy. BSG-niň Russiýadaky Barlag merkeziň baş direktorynyň orunbasary Anait Smbatýanyň bellemegine görä, halkara kadalary berjaý etmeklik milli ykdysadyýeti dünýä söwdasyna goşmak üçin möhüm şert bolup durýar.
“Söwdanyň özidiňe bir maksat däl, eýsem, ykdysady ösüşi we halkyň abadançylygyny ýokarlandyrmagyň guralydyr” diýip, bilermen nygtady. “BSG-niň şertleri milli ykdysadyýetiň durnukly ösmegine we täze mümkinçilikleriň döremegine ýardam bermelidir” diýip, ol belledi.
Okuw maslahatynda esasy temalaryň biri - senagat we oba hojalygynda döwlet ýeňillikleriniň orny boldy. Gatnaşanlar bu ýeňillikleriň BSG düzgünleriniň çäklerinde nähili ulanylyp bilinjekdigini we olaryň içerki önüm öndürijileri halkara bäsdeşlikden goramakdaky ähmiýetini ara alyp maslahatlaşdylar. Şeýle hem döwlet ýeňillikleriniň häzirki görnüşleri we BSG-niň düzgünlerine laýyklykda olaryň ulanylyş usullary seljerildi.
Bu okuw maslahaty durnukly ösüş ýörelgeleri we halkara standartlary nazara almak bilen, milli ykdysadyýetleriň dünýä söwda ulgamyna utgaşmagyny ara alyp maslahatlaşmak üçin möhüm meýdança boldy.
Oňa gatnaşyjylar şeýle çäreleriň BSG düzgünlerini has gowy düşünmäge we olaryň ýurduň ykdysady ösüşine täsirini seljermäge ýardam edýändigini bellediler diýip, Orient habar berýär.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.