Türkmenistanyň wekiliýeti Tokioda energetika we beýleki ugurlarda täze taslamalary durmuşa geçirmek meselelerini maslahatlaşdy
16:39 21.02.2025 2862
Türkmenistanyň Döwlet daşary ykdysady iş bankynyň müdiriýetiniň başlygy R.Jepbarowyň ýolbaşçylygyndaky türkmen wekiliýeti 17-19-njy fewral aralygynda Ýaponiýanyň Tokio şäherine iş saparyny amala aşyrdy. Bu barada Türkmenistanyň DIM-niň metbugat gullugy habar berdi.
Ýaponiýanyň Premýer-ministriniň ýörite geňeşçisi A.Nagaşima bilen geçirilen duşuşykda häzirki wagtda ugurlaryň giň toplumy boýunça üstünlikli ösdürilýän ikitaraplaýyn türkmen-ýapon söwda-ykdysady hyzmatdaşlygynyň möhüm meseleleri ara alyp maslahatlaşyldy.
Şeýle-de türkmen wekiliýetiniň Ýaponiýanyň Parlamentiniň Wekiller palatasynyň agzasy, Ýapon-Türkmen parlamentara dostluk toparynyň başlygy T.Endo bilen duşuşygy geçirildi. Taraplar iki ýurduň gatnaşmagynda geçirilmegi meýilleşdirilýän çäreler barada pikir alyşdylar. Şu nukdaýnazardan, Ýaponiýanyň Osaka şäherinde geçiriljek EXPO 2025 Bütindünýä sergisine türkmen wekiliýetiniň gatnaşmagy we onuň çäklerinde Türkmenistanyň Milli gününiň guralmagy bilen bagly meselelere aýratyn üns berildi.
Türkmen-ýapon gatnaşyklarynyň möhüm ugurlarynyň biri bolan söwda-ykdysady hyzmatdaşlyk barada aýtmak bilen, taraplar Türkmenistanyň we iri ýapon kompaniýalarynyň dürli ugurlarda, şol sanda ulag, gaz we himiýa senagaty pudaklarynda özara gatnaşyklaryň köp ýyllyk tejribesini toplandyklaryny nygtadylar.
R.Jepbarowyň Ýaponiýanyň Halkara hyzmatdaşlyk bankynyň (JBIC) başlygy N.Haýaşiniň arasynda geçirilen gepleşiklerde maliýe we ykdysady hyzmatdaşlygyň täze ugurlary ara alyp maslahatlaşyldy. Türkmenistanyň ykdysadyýetinde we maliýe ulgamynda Ýaponiýanyň ýokary tehnologiki tejribeleriniň orny, şeýle-de iki ýurduň arasyndaky nebit-himiýa, energetika we beýleki ugurlarda hyzmatdaşlygyň ösüşi barada ýakyn geljekde alnyp baryljak iri taslamalar barada aýratyn bellenildi.
Ýaponiýanyň Ykdysadyýet, söwda we senagat ministriniň orunbasary T.Matsuo bilen geçirilen duşuşykda ykdysadyýet we senagat ugurlardaky hyzmatdaşlygy ösdürmek bilen bagly meseleler ara alnyp maslahatlaşyldy. Bu babatda Türkmenistanyň ykdysadyýetinde giň gerimli taslamalary durmuşa geçirmek üçin Ýaponiýanyň tehnologiýalaryndan peýdalanmak, şeýle-de iki ýurduň arasyndaky söwda-ykdysady hyzmatdaşlygy giňeltmek üçin hyzmatdaşlygyň täze derejede dowam etdirilmeginiň möhümdigi bellenildi.
Mundan başga-da Ýaponiýanyň eksporty we maýalary ätiýaçlandyryş agentliginde (NEXI) türkmen wekiliýetiniň agzalary bilen NEXI-niň başlygy A.Kurodanyň arasynda duşuşyk geçirildi.
Duşuşygyň dowamynda taraplar hyzmatdaşlygyň täze mümkinçiliklerini, şol sanda NEXI-niň dürli maliýe edaralaryny Türkmenistanda taslamalary maliýeleşdirmäge çekmek boýunça işi ara alyp maslahatlaşdylar.
Saparynyň dowamynda türkmen wekiliýetiniň «Itochu Corporation», «Kawasaki Heavy Industries», «Mitsubishi Corporation» we «Mitsubishi Heavy Industries» kompaniýalarynyň ýolbaşçylary bilen duşuşyklary geçirildi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.