HEA 2025-nji ýylda nebite bolan islegiň artmagyna bolan bahalandyrmany ýokarlandyrdy
14:30 14.02.2025 4881
2025-nji ýylda dünýäde nebite bolan islegiň geçen ýyl bilen deňeşdirilende gündelik 1,104 million barrel (b/g) ýokarlanjakdygy barada Halkara Energetika Agentliginiň (IEA) aýlyk hasabatynda aýdylýar.
Ýanwar aýynda HEA bu görkezijini 1,054 million b/g derejesinde çaklapdy. Şeýlelikde, agentligiň hünärmenleri islegiň ösüşine bolan bahalandyryşyny 50 müň b/g ýokarlandyrdylar.
Şeýle hem agentlikde bellenilmegine görä, 2024-nji ýylyň dördünji çärýegi, 2023-nji ýylyň degişli döwri bilen deňeşdirilende, 1,35 million b/g ösüş bilen iň ýokary ösüş depginini görkezipdir.
"Dekabrdaky sowuk howa ýyladyş üçin has köp nebit sarp edilişini artdyrdy, bu bolsa 2023-nji ýylyň dördünji çärýegindäki adatdan daşary ýumşak howa şertleriniň pes binýadynyň netijesinde bolup geçdi. Mundan başga-da, nebitiň ýyllyk esasynda has arzan bahasy sarp edişi höweslendirdi" diýip, HEA-nyň analitikleri belleýärler. Şeýle hem, 2024-nji ýylyň soňky döwri, 2025-nji ýylda sarp ediş ösüşiniň has ýokary depginini kesgitleýän ýörelgäni döretdi diýip nygtalýar.
Hasabatda Hytaýyň dünýäde nebite bolan islegiň ösüşine täsiriniň azalandygy hem bellenilýär. 2024-nji ýylyň netijelerine görä, bu ýurtda içerki isleg diňe 150 müň b/g (dünýä ösüşiniň gurluşynda takmynan 20%) artdy. Bu bolsa soňky on ýylda ortaça ýyllyk 600 müň b/g ösüş bilen deňeşdirilende ep-esli pesdir. Ösüş esasan nebithimiýa pudagy bilen baglanyşykly bolup, HEA-nyň analitikleriniň pikirine görä, ýurtda motor ýangyjyna bolan islegiň ösüşe çykandygyny görkezýär.
2024-nji ýylda dünýäde nebite bolan islegiň ösmegine iň uly goşant goşan ýurtlar, YHÖG girmeýän Aziýa ýurtlary bolup, olar takmynan 300 müň b/g ösüş üpjün etdiler. Şeýle hem, Hindistan 200 müň b/g, Ýakyn Gündogar ýurtlary 110 müň b/g we Braziliýa 90 müň b/g goşant goşdy.
HEA-nyň hünärmenleriniň pikiriçe, 2025-nji ýylda nebite bolan islegiň ösüşinde YHÖG girmeýän ýurtlaryň agalyk ýagdaýy saklanyp galar, YHÖG ýurtlarynda bolsa nebitiň sarp edilişi peselmek bilen bir hatarda durnuklylyk ýagdaýynda galar.
Türkmenistanyň wekiliýetiniň Moskwa saparynyň dowamynda 15 sany ikitaraplaýyn resminama gol çekildi
Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredowyň ýolbaşçylygynda türkmen wekiliýetiniň 6-7-nji dekabrda Moskwa iki günlük saparynyň netijeleri boýunça on bäş sany ikitaraplaýyn resminama gol çekildi. Bu barada Türkmenistanyň daşary syýasat edarasynyň saýty habar berýär.
Awgust aýyndan OPEC-e Kuweýtiň wekili başlyklyk eder
OPEC-iň nobatdan daşary mejlisinde ministrler guramanyň täze baş sekretary wezipesine — 2022-nji ýylyň 1-nji awgustyndan başlap üç ýyl möhlete Kuweýtden Haýtam Al-Gaýsy (Haitham Al-Qais) saýladylar diýip, Interfaks habar berýär.
GlobalPetrolPrices: Türkmenistan — benziniň iň arzan ýurtlarynyň onlugynda
Türkmenistan benziniň iň arzan ýurtlarynyň ilkinji onlugynda galmagyny dowam edýär. GlobalPetrolPrices-yň maglumatlaryna görä, 5-nji dekabra çenli ýagdaýa görä, Türkmenistan oktan mukdary 95 belgili benziniň elýeterliligi boýunça reýtingde ýedinji orny eýeleýär. 1 litr benziniň bahasy ýurtda 0,433 dollar.
Mongoliýanyň Prezidenti güýzde Türkmenistana döwlet sapary bilen geler
Türkmenistanyň daşary işler ministri Raşid Meredow Mongoliýanyň Türkmenistandaky Adatdan daşary we Doly ygtyýarly ilçisi (oturýan ýeri Astana ş.) Dorj Baýarhuu bilen duşuşygynda şu ýylyň güýzünde Mongoliýanyň Prezidentiniň ýurdumyza amala aşyrjak döwlet saparyna taýýarlyk meselelerini maslahatlaşdy. Bu barada Türkmenistanyň DIM-niň saýtynda habar berilýär.
Türkmenistanyň Prezidentiniň HHR-e iş sapary tamamlandy
3-nji sentýabrda Prezident Serdar Berdimuhamedow Hytaý Halk Respublikasyna saparynyň çäklerinde HHR-iň Başlygy Si Szinpiniň çakylygy boýunça Ikinji jahan urşunda gazanylan ýeňşiň 80 ýyllygynyň hormatyna Pekinde geçirilen dabaraly çärelere gatnaşdy diýip, TDH habar berýär.