Türkmenistanyň, Azerbaýjanyň, Pakistanyň we beýleki Merkezi Aziýa ýurtlarynyň diplomatlary hyzmatdaşlygy berkitmek meselelerini maslahatlaşdylar
06:14 04.02.2025 3253
Yslamabatda Türkmenistanyň Pakistandaky ilçisi Atajan Möwlamowyň Azerbaýjanyň, Gazagystanyň, Gyrgyzystanyň we Özbegistanyň diplomatlary bilen geçiren duşuşygynda energetika, söwda we ulag ulgamlaryna hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada 2-nji fewralda, ýekşenbe güni, Türkmenistan Halkara habarlar merkezi Türkmenistanyň Pakistandaky ilçihanasyndan alnan maglumata salgylanyp habar berýär.
Duşuşygyň dowamynda Merkezi Aziýa ýurtlarynyň, Azerbaýjanyň we Pakistanyň arasyndaky hyzmatdaşlygy has-da çuňlaşdyrmak meseleleri ara alnyp maslahatlaşyldy. Şeýle hem sebitiň ýurtlarynyň energetika, söwda we ulag mümkinçiliklerini amala aşyrmak ugurlary boýunça pikir alşyldy.
Şeýle-de, Türkmenistanyň başlangyjy bilen Yslamabatda «Halkara parahatçylyk we ynanyşmak ýyly: parahatçylyk ugrunda hyzmatdaşlyk» atly seminar geçirildi. Ol Pakistandaky BMG-niň Utgaşdyryjy edarasynyň we Yslamabadyň Strategiki barlaglar instituty (ISSI) bilen bilelikde guraldy.
Çäräniň dowamynda Pakistan Respublikasynyň Daşary işler ministrliginiň, Yslamabadyň Strategiki barlaglar institutynyň, BMG-niň Pakistandaky wekilhanasynyň ýolbaşçylary we wekilleri, alymlar hem-de diplomatlar çykyş etdiler.
Çykyş edenler 2023-nji ýylda Türkmenistanyň Prezidenti Serdar Berdimuhamedow tarapyndan BMG-niň Baş Assambleýasynyň sessiýasynda beýan edilen Global howpsuzlyk strategiýasyny işläp düzmek başlangyjynyň ähmiýetini nygtadylar.
Seminara gatnaşyjylar halkara gatnaşyklaryny oňyn ugra gönükdirmek, dünýä syýasatynda ynanyşmagy pugtalandyrmak we halklaryň arasynda dialogy dikeltmek üçin tagallalary birleşdirmegiň zerurdygyny belläp, bu ugurda öňdengörüjilikli syýasaty ýöredýän Türkmenistanyň ýolbaşçylygyna minnetdarlyk bildirdiler.
Şu günki gün halkara meseleleriň çäginde bu tagallalaryň aýratyn möhümdigi nygtaldy. Seminara gatnaşyjylar 2025-nji ýylyň diňe bir Türkmenistanyň taryhynda däl, eýsem, bütin dünýä jemgyýetçiliginiň taryhynda ynanyşmaga, hyzmatdaşlyga we özara düşünişmäge esaslanýan parahatçylygy gurmagyň täze giňişliklerini açjak döwür hökmünde ýatda galjakdygyna ynam bildirdiler.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.