Daşoguz welaýatynda oba ýerleri işjeň ýagdaýda gazlaşdyrylýar
14:02 31.01.2025 2152
«Türkmengazüpjünçilik» birleşiginiň gurluşyk-gurnama müdirliginiň hünärmenleri Daşoguz welaýatynyň oba sebitlerini gazlandyrmak ugrunda netijeli işleri alyp barýarlar. 2024-nji ýylda olar dürli basyşdaky täze gaz geçirijileriniň 60 kilometrini gurdular.
Geçen ýylda amala aşyrylan taslamalaryň hatarynda Boldumsaz etrabynyň «Ak Altyn» obasynda iki kilometre golaý uzynlyga eýe bolan orta basyşly gaz geçirijisiniň gurluşygy bar.
Milli özgertmeler maksatnamasynyň çäginde gurlan täze gaz geçirijileri oba ýerlerini gazlandyrmak üçin niýetlenendir. «Ak Altyn» obasyndan başga-da, Şawat, Akdepe we Görogly etraplarynda hem dürli uzynlyklary bolan gaz geçirijileri guruldy.
Bu çäreler netijesinde gazyň netijeli we yzygiderli üpjünçiligi ýola goýulýar, gaz aragatnaşyk ulgamynyň ygtybarlylygy we netijeliligi ýokarlandyrylýar.
Daşoguz welaýatynda gaz kommunikasiýalarynyň ösen ulgamy guruldy. Ol ýerli ilatyň tebigy gaza bolan islegini doly kanagatlandyrýar. Şular ýaly desgalaryň sany ýylyň-ýylyna artýar.
Ýurdumyzyň demirgazyk sebitinde häzirki zaman aragatnaşyk ulgamlarynyň howpsuz ulanylmagyny üpjün etmek we enjamlaryň ýagdaýyny gorap saklamak işleri hem wagtly-wagtynda geçirilýär.
«Demirgazyk akymy» boýunça ibermeler dikeldilenden soň hem Ýewropada gazyň bahasy arzanlamady
«Demirgazyk akymy» boýunça ibermeler dikeldilenden soň hem Ýewropada gazyň bahasy arzanlamady. Eýýäm bir hepde bäri bahalar müň kub metrine 1600 dollar derejesinde saklanýar.
Çökgünlik howpy nebitiň bahalaryny aşakladýar — analitikler II ýarym ýylda Brentiň bahalarynyň 100 dollar bolmagyna garaşýarlar
Energiýa geçirijileriň bazarynda çökgünlik zerarly dünýä ykdysadyýetinde emele gelip biljek çökgünlik bilen bagly howatyrlanmalar iýul aýynyň dowamynda Brent nebitiniň bahalaryny 7% aşaklatdy. Bu günki gün barreliň bahasy 103 dollardan aşaklatdy. Pudaklaýyn analitikler bahalaryň ýene-de birnäçe dollar aşaklajakdygyna we şol derejede 2022-nji ýylyň ahyryna çenli saklanjakdygyna ynanýarlar diýip, Interfaks habar berýär.
Serdar Berdimuhamedow: Türkmenistan Merkezi Aziýa döwletleriniň üsti bilen energiýa geçirijileriniň ibermelerini artdyrmaga taýýar
Penşenbe güni Çolpon-Atada (Gyrgyzystanyň Yssyk-Köl welaýaty) Merkezi Aziýa döwletleriniň Baştutanlarynyň dördünji Konsultatiw duşuşygy geçirildi. Duşuşyga Gazagystanyň, Özbegistanyň, Türkmenistanyň we Täjigistanyň Prezidentleri gatnaşdy.
Awtobenzin we suwuklandyrylan gaz TDHÇMB-niň söwdalarynyň walýuta geleşikleriniň esasyny düzdi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 73-si hasaba alyndy. Olaryň jemi bahasy ABŞ-nyň 41 million 403 müň dollaryndan gowrak boldy.
Türkmenistanyň wekiliýeti Ýaponiýada nebitgaz we beýleki ugurlarda hyzmatdaşlygy ösdürmegi maslahatlaşdylar
27-nji ýanwarda Tokio şäherinde iki ýurduň Daşary işler ministrlikleriniň arasynda türkmen-ýapon syýasy geňeşmeleri geçirildi. Duşuşygyň dowamynda ikitaraplaýyn gün tertibiniň ähli toplumy, şol sanda nebitgaz topumy boýunça okgunly ösdürilýändigi nygtaldy. Bu barada Türkmenistanyň DIM-i habar berýär.