2025-nji ýylda esasy maýa goýumlar döwlet we sebit ähmiýetli taslamalara gönükdiriler
14:45 27.01.2025 1068
Halkara parahatçylyk we ynanyşmak ýylynda Türkmenistanda maýa goýumlar döwlet we sebit ähmiýetli, şol sanda möhüm nebitgaz taslamalaryny durmuşa geçirmäge gönükdiriler.
Geçen anna güni geçirilen Hökümet mejlisinde habar berlişi ýaly, Türkmenistanyň Prezidentiniň beren tabşyryklaryna laýyklykda, Gurluşyk we binagärlik hem-de Maliýe we ykdysadyýet ministrlikleri tarapyndan beýleki ministrlikler, pudaklaýyn dolandyryş edaralary, welaýatlaryň, Aşgabat, Arkadag şäherleriniň häkimlikleri bilen bilelikde “Türkmenistany 2025-nji ýylda durmuş-ykdysady taýdan ösdürmegiň we maýa goýum Maksatnamasy” işlenip taýýarlanyldy.
Şoňa laýyklykda, şu ýylda maýa goýumlar döwlet we sebit ähmiýetli taslamalar bolan “Galkynyş” gaz känini özleşdirmegiň nobatdaky tapgyrlaryna, “Şatlyk-1” gaz gysyjy desgasyna, Türkmenistan — Owganystan — Pakistan — Hindistan gaz geçirijisiniň möhüm bölegine, Arkadagyň ak ýoly bilen Serhetabat — Hyrat gaz geçirijisiniň gurluşygyna, Balkan welaýatyndaky kuwwatlylygy 1574 megawat bolan utgaşykly dolanyşykda işleýän elektrik stansiýasyna, Jebel şäherçesindäki täze Halkara howa menziline, Aşgabat — Türkmenabat ýokary tizlikli awtomobil ýoluna, Garabogazköl aýlagynyň üstünden geçýän köprä gönükdiriler.
Sebitde iri taslamalaryň biri bolan Arkadag şäheriniň ikinji tapgyrynyň gurluşygyna aýratyn üns berler.
Şeýle hem ýurdumyzyň ilatynyň ýaşaýyş-durmuş şertlerini gowulandyrmak maksady bilen, maýa goýum serişdeleri ýaşaýyş jaýlarynyň, saglygy goraýyş desgalarynyň, orta mekdepleriň, çagalar baglarynyň, awtomobil ýollarynyň, suw, gaz, elektrik geçirijileriniň, aragatnaşyk ulgamlarynyň, suw arassalaýjy desgalaryň gurluşygyna gönükdiriler.
Prezident Serdar Berdimuhamedow Halkara parahatçylyk we ynanyşmak ýylynda ýurdumyzda şähergurluşyk syýasatynyň üstünlikli durmuşa geçirilýändigini, dürli maksatly binalaryň hem-de desgalaryň gurluşygyna uly möçberde maýa goýumlaryň gönükdirilýändigini aýtdy.
Döwlet Baştutany “Türkmenistany 2025-nji ýylda durmuş-ykdysady taýdan ösdürmegiň we maýa goýum Maksatnamasynyň” taslamasynda göz öňünde tutulan binalaryň we desgalaryň ýokary hilli gurulmagyna gözegçilik etmegi tabşyrdy.
Türkmenistanyň wekiliýeti Omanda halkara sergisine we maslahatyna gatnaşdy
Türkmenistanyň wekiliýeti Oman Soltanlygynyň paýtagty Maskatda geçirilen “Omanyň nebiti we energetikasy – 2024” Halkara sergisine we “Energiýanyň elýeterli, durnukly we netijeli çeşmeleri” maslahatyna gatnaşdy diýip, Türkmenistanyň Söwda-senagat edarasynda habar berdiler.
Serdar Nurýagdyýew - «Türkmengeologiýa» döwlet korporasiýasynyň baş geofizigi
- 19-njy martda Ruhyýet Köşgüniň ajaýyp zalynda biz möhüm wakanyň – Türkmenistanyň Prezidenti Serdar Berdimuhamedowyň wezipä girişmek dabarasynyň şaýatlary bolduk. Bu çäre örän dabaraly bolup, onda gözbaşyny asyrlaryň jümmüşinden alyp gaýdýan däp-dessurlaryň öz beýanyny tapmagy özüňi halkyň köpasyrlyk ýyl ýazgysyna dahyllylygyňy duýup, buýsanjyňy has-da artdyrýar. Şol ýyl ýazgysyna bolsa bu gün ýene-de bir möhüm sahypa ýazyldy.
Türkmenistanyň nebitgaz toplumynyň kompaniýalary Zähmeti goramagyň Bütindünýä gününe bagyşlanan maslahat geçirdiler
“Dragon Oil” kompaniýasy “Türkmennebit” döwlet konserniniň goldaw bermeginde ýurdumyzda 28-nji aprelde bellenilip geçilýän Zähmet goramagyň Bütindünýä güni mynasybetli zähmet goramagy, howpsuzlyk tehnikasy we ekologiýa howpsuzlygy dolandyrmak boýunça maslahatyň guramaçysy bolup çykyş etdi. Bu barada “Neýtralnyý Türkmenistan” gazetinde habar berilýär.
Merdan Orazmuhammedow - “Türkmennebitönümleri” baş müdirliginiň başlygynyň orunbasarynyň wezipesini wagtlaýyn ýerine ýetiriji
Merdan Orazmuhammedow - Türkmenbaşydaky nebiti gaýtadan işleýän zwodlar toplumynyň “Türkmennebitönümleri” baş müdirliginiň başlygynyň orunbasarynyň wezipesini wagtlaýyn ýerine ýetiriji:
Döwranguly Atahanow - “Türkmen Milli nebitgaz kompaniýasy” ýapyk görnüşli paýdarlar jemgyýetiniň Marketing we logistika bölüminiň başlygy
- Ýurdumyzda amala aşyrylýan demokratik özgertmelere hil taýdan täze itergi berildi. Döwletimiziň ösüşiniň täze döwründe ata Watanymyzyň we halkymyzyň ykbaly üçin jogapkärçiligi üstüne almaga ukyply ýaş ýolbaşçylara giň ýol açyldy.