Pakistanyň işewür düzümleri Türkmenistan bilen hyzmatdaşlygy giňeltmäge gyzyklanma bildirýär
10:24 24.01.2025 4278
Türkmenistanyň Pakistandaky ilçihanasynda Pakistanyň döwlet guramasy bolan Gujranwala Business Centre-iň wekiliýeti bilen duşuşyk geçirildi. Duşuşyga guramanyň ýolbaşçysy Ahmed Ikram Loun ýolbaşçylyk etdi. Bu barada Türkmenistanyň Pakistandaky ilçihanasy habar berýär.
Duşuşygyň dowamynda Gujranwala Business Centre-iň wekilleri, Gujranwalanyň Pakistanyň iň çalt ösýän senagat sebitleriniň biri bolup durýandygyny belläp, Türkmenistanyň işewür toparlary bilen yzygiderli gatnaşyklary ýola goýmak bilen gyzyklanýandyklaryny mälim etdiler.
Türkmen tarapy myhmanlary Türkmenistanyň milli ykdysadyýetini döwrebap tehnologiýalary we bazar mehanizmlerini giňden ornaşdyrmak arkaly diwersifikasiýalaşdyrmak syýasaty bilen tanyşdyrdy. Şonuň bilen birlikde, hususy telekeçiligi goldamak we ýerli önümleriň eksport möçberlerini artdyrmak boýunça maksatnamalary netijeli durmuşa geçirmegiň Türkmenistanyň döwlet syýasatynyň ileri tutulýan ugurlarynyň biridigi nygtaldy.
Pakistanyň işewürleri türkmen telekeçileri bilen gatnaşyklary işjeňleşdirmäge, şeýle-de ikitaraplaýyn söwdanyň möçberlerini giňeltmäge uly gyzyklanma bildirýändiklerini mälim etdiler.
Duşuşykda Aşgabatda Pakistanyň önümleriniň sergisini gurnamagyň mümkinçiligi ara alnyp maslahatlaşyldy. Bu sergi işewür gatnaşyklary ýola goýmak, önümleri görkezmek we işewürlik pikirlerini alyşmak üçin özboluşly meýdança bolar diýip garaşylýar.
Taraplar hyzmatdaşlygy ösdürmek we pugtalandyrmak maksady bilen, yzygiderli duşuşyklary gurnamak barada ylalaşdylar.
Gujranwala Business Centre (GBC) – Pakistanyň Senagat we önümçilik ministrliginiň garamagyndaky kompaniýadyr. Bu gurama ýerli işewürlik şertlerini ösdürip, 21 müňden gowrak kiçi we orta kärhanadan ybarat işewürlik giňişligini emele getirýär. GBC döwlet we hususy toplumdan, şeýle-de halkara söwda guramalaryndan, söwda-senagat edaralaryndan we beýleki guramalardan ybarat bolan 1500-den gowrak milli we halkara hyzmatdaşynyň giň ulgamynyň mümkinçiliklerinden peýdalanýar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.