Türkmenistan Kuala-Lumpurda ýurdumyzyň ykdysadyýetine daşary ýurt maýa goýumlaryny çekmek boýunça Halkara forum geçirer
10:01 24.01.2025 1099
2025-nji ýylyň 23-24-nji aprelinde Malaýziýanyň Kuala-Lumpur şäherinde Türkmenistanyň ykdysadyýetine daşary ýurt maýa goýumlaryny çekmek boýunça Halkara forum (TEIF 2025) geçiriler. Bu barada çäräniň guramaçylarynyň web sahypasynda habar berilýär.
Forumda halkara maýadarlar, hökümet wekilleri, pudak ýolbaşçylary we bilermenler Türkmenistanyň ykdysadyýetiniň esasy ugurlarynda maýa goýum mümkinçiliklerini öwrenmek we strategik ösüşleri ara alyp maslahatlaşmak üçin ýygnanarlar.
Esasy guramaçylar hökmünde Türkmenistanyň “Türkmengaz” we “Türkmennebit” döwlet konsernleri, Söwda-senagat edarasy hem-de “Türkmen Energetika Forumy” hojalyk jemgyýeti çykyş edýärler.
Forumda energiýa, ulag-kommunikasiýa, gurluşyk we maliýe ýaly ulgamlara gönüden-göni maýa goýumlaryny çekmek hem-de energiýa pudagynyň durnukly ösüşi barada gepleşikleriň ösdürilmegi maksat edinilýär. Çärä dünýäniň 30-dan gowrak ýurdundan 300-den gowrak wekil gatnaşar.
Forumyň dowamynda tebigy gazy eksport etmek, täze gaz desgalaryny gurmak, elektrik energiýasyny öndürmek, çyg mallary netijeli ulanmak, metan we CO2 zyňyndylaryny azaltmak, gün we ýel energiýasy ýaly täzelenip bilýän energiýa çeşmeleri boýunça taslamalar ara alnyp maslahatlaşylar.
Şeýle hem Hazar deňziniň türkmen bölegindäki uglewodorod ýataklaryny özleşdirmek we nebiti gaýtadan işleýän zawodlary döwrebaplaşdyrmak boýunça taslamalara serediler.
Beýleki temalaryň hatarynda: iri gurluşyk taslamalary, ulag, logistika, maglumat tehnologiýalary, telekommunikasiýalar, dokma, oba hojalygy we azyk önümleriniň eksport mümkinçiliklerini giňeltmek bar.
Bu ýyl TEIF 2025 Malaýziýanyň paýtagty Kuala-Lumpuryň merkezinde ýerleşýän abraýly Kuala Lumpur Konferensiýa Merkezinde (KLCC) geçiriler.
Forum hakyndaky giňişleýin maglumat guramaçylaryň web sahypasynda elýeterlidir: https://teif-turkmenistan.com.
Türkmenistan uzak geljekde bug gazlarynyň zyňyndylaryny düýpli peseltmegi meýilleşdirýärler
Türkmenistan ortageljekde bug gazlarynyň zyňylmasynyň nol ösüşini gazanmaklygy, uzak möhletli geljekde bolsa – her ýyl zyňylmalaryň ähmiýetli derejede azaldylmagyny maksat edinýär. Bu barada BMG-niň Howanyň üýtgemegi boýunça Çarçuwaly Konwensiýasyna gatnaşyjylaryň Glazgo şäherinde geçirilýän maslahatynyň (COP26) 26-njy mejlisinde eden çykyşynda, Türkmenistanyň Ministrler Kabinetiniň Başlygynyň Orunbasary Serdar Berdimuhamedow belledi diýip, ýurdumyzyň daşary syýasat edarasynyň saýty habar berýär.
NEXI ýapon kompaniýasynyň ýolbaşçylary bilen maýa goýum ulgamynda hyzmatdaşlyk mümkinçilikleri maslahatlaşyldy
Çarşenbe güni Türkmenistanyň Daşary işler ministri Raşid Meredow Ýaponiýanyň eksport we maýa goýum ätiýaçlandyryş agentliginiň (NEXI) Ýerine ýetiriji direktory Atsuo Kuroda bilen duşuşdy. Bu agentlik ýapon we türkmen taraplarynyň durmuşa geçirýän bilelikdäki ykdysady taslamalaryny maliýeleşdirmek üçin ätiýaçlandyryş öweziniň dolmagyny üpjün edýär diýip, Türkmenistanyň daşary syýasat edarasynyň saýty habar berdi.
Glazgodaky sammitde dünýä Liderleri 2030-njy ýyla çenli metan zyňyndylaryny 30% azaltmagy ylalaşdylar
Sişenbe güni COP26 ekologiýa sammitinde Ýewrokomissiýanyň başlygy Ursula fon der Lýaýen we ABŞ-nyň Prezidenti Jo Baýden metan zyňyndylaryny azaltmak boýunça bilelikdäki başlangyjyny öňe sürdüler. Bu barada Interfaks habar berýär.
OPEC+ döwletleriniň ministrleri nebit bazaryna goşmaça goşmagyň zerurlygy baradaky meseläni çözerler
OPEC+ döwletleriniň ministrleri bazary goşmaça nebit bilen üpjün etmek gerekmi ýa-da kabul edilen ylalaşygyň çäklerinde hereket etmelimi diýen meseläni çözmek üçin nobatdaky aýlyk duşuşygyny geçirerler diýip, Interfaks habar berýär.
Türkmenistanyň DIM-niň ýolbaşçysy JBIC ýapon kompaniýasynyň ýolbaşçysy bilen iri möçberli taslamalaryň durmuşa geçirilişini maslahatlaşdy
Tokio şäherinde Türkmenistanyň Daşary işler ministri R.Meredow bilen Ýaponiýanyň halkara hyzmatdaşlyk bankynyň ýolbaşçysy (JBIC) Nobumitsu Haýaşiniň duşuşygy geçirildi diýip, Türkmenistanyň DIM-niň saýty habar berýär.