«Türkmengaz» DK-nyň döredijilik topary «Altyn Garagöz» atly halkara bäsleşiginiň kümüş baýragyna mynasyp boldy
04:20 23.07.2024 6710
«Türkmengaz» döwlet konserniniň Medeni-işewürlik merkeziniň «Galkynyş» topary Türkiýäniň Bursa şäherinde geçirilen «Altyn Garagöz» atly folklor tansynyň 36-njy halkara bäsleşiginde 2 orny eýelemegi başardy.
Bu abraýly bäsleşige dünýäniň 24 ýurdundan tansçylaryň 720-si gatnaşdy, bu bolsa, türkmen döredijilik toparynyň gazanan ýeňşiniň örän ähmiýetlidigini tassyklady. «Galkynyş» döredijilik toparynyň ýolbaşçysy Allaberdi Nazarowyň gürrüň berşi ýaly, «Altyn Garagöz» atly döredijilik bäsleşigine gatnaşmagyň özi üstünlik getirmek bilen çäklenmän, eýsem, beýleki ýurtlardan bolan kärdeşler bilen tejribe alyşmak we gatnaşyklary ösdürmek babatda hem örän peýdaly boldy.
Düzüminde tansçylaryň 20-si (10 gyz we 10 oglan) we aýdymçylaryň 2-si bolan topar bäsleşikde her biri 3,5 we 8 minut bolan çykyşlaryň üçüsini hödürledi. Topar belli halk aýdymlaryndan we sazlaryndan ybarat bolan popurri saz eserini öz içine alan türkmen milli tansynyň we sazynyň özboluşlylygyny açyp görkezdi.
Bäsleşigiň emin agzalary we tomaşaçylar artistleriň ussatlygyna, gujur-gaýratyna we olaryň aýdym-sazly çykyşlarynyň ajaýyplygyna baha bermek bilen çäklenmän, eýsem, olaryň owadan lybaslaryna hem aýratyn orun berdiler. Diňe bir çykyşyň dowamynda türkmen tansçylary tomaşaçylary haýran galdyran dürli reňkli, milli nagyşlar bilen bezelen lybaslara beslenmäge ýetişdiler.
Bäş günüň dowamynda Bursa şäheri döredijiligiň dürli öwüşginlerine baý bolup, ajaýyp çykyşlar şäheriň birnäçe sahnalarynda ýaýbaňlandy, festiwal-bäsleşigiň jemleýji tapgyry bolsa, açyk asmanyň astyndaky «Kültürpark» teatrynda guraldy we ajaýyp konsert bilen tamamlandy.
2007-nji ýylda döredilen «Galkynyş» topary Türkmenistanyň çäklerinden alyslarda hem tanalýar. Ine, bu gezek hem topar hünärmenleriň ýokary bahalaryna hem-de şunuň ýaly beýleki çärelere, hususan-da, sentýabr aýynda Bolgariýada geçiriljek festiwala gatnaşmak baradaky çakylyga mynasyp boldy.
«Altyn Garagöz» atly bäsleşik-festiwalyň guramaçysy Bursa şäher häkimliginiň ýanyndaky Medeniýet, sungat we syýahatçylyk gaznasy (BKSTV) bolup durýar. Çäre Türkiýe Respublikasynyň Medeniýet we syýahatçylyk ministrliginiň hem-de Türki halklaryň medeniýetiniň halkara guramasynyň (TÜRKSOÝ) howandarlygynda geçirilýär.
«Altyn Garagöz» atly folklor tansynyň 36-njy halkara bäsleşiginiň şanly sene — TÜRKSOÝ-nyň esaslandyrylan ýylynyň baýram edilmegi bilen gabat gelendigini bellemek gerek, gurama 1993-nji ýylyň 12-nji iýulynda döredildi.
Festiwalda 1-nji orna Özbegistanyň toparynyň mynasyp bolandygyny aýtmak gerek. Üçünji orna bolsa, Bolgariýadan baran topar eýe çykdy. TÜRKSOÝ-nyň ýörite baýragyny Wengriýanyň topary aldy, hormatly baýraga bolsa Gazagystanyň topary mynasyp boldy.
Bäsleşigiň ýeňijileri diplomlardan, ýadygärlik sowgatlaryndan başga-da, iri pul baýraklaryna mynasyp boldular.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.