Türkmenistanyň wekilleri BSG-niň wekilleri bilen Daşary söwda tertibi hakynda Ähtnamanyň taslamasyny maslahatlaşdylar
15:56 02.05.2024 2462
Türkmenistanyň DIM-niň Halkara gatnaşyklary institutynda geçirilen ylmy-amaly maslahat Türkmenistanyň Bütindünýä söwda guramasy bilen hyzmatdaşlygynyň geljegine bagyşlandy diýip, ORIENT habar berýär.
Maslahatda çykyş edenler Türkmenistan bilen BSG bilen hyzmatdaşlygyň geljegi hakynda belläp geçdiler. Gürrüň şeýle hem Bütindünýä söwda guramasyna agzalyk – Türkmenistanyň daşary söwda tertibi hakynda Ähtnama bilen bagly ilkinji resminamany taýýarlamak hakynda gitdi.
Bu Ähtnama BSG goşulýan ähli döwletler üçin hökmany we binýatlyk resminama bolup durýar. Ony işläp düzmegiň barşynda agzalyk bilen bagly meseleler boýunça ikitaraplaýyn we köptaraplaýyn gepleşikler geçirilýär.
Türkmenistanyň Maliýe we ykdysadyýet ministrliginde Mejlisiň, ugurdaş ministrlikleriň we pudak edaralarynyň gatnaşmagynda Bütindünýä söwda guramasynyň we Aziýa ösüş bankynyň bilermenleriniň gatnaşmagynda bu Ähtnamany işläp taýýarlamak boýunça “Ýol kartasyna” laýyklykda duşuşyklar geçirildi. Şeýle gepleşikleriň tapgyry 2023-nji ýylyň iýulyndan 2024-nji ýylyň apreli aralygynda geçirildi. Işewür gepleşikleriň barşynda BSG-niň bilermenleri Guramanyň Ylalaşyklarynyň ählisiniň kadalary we düzgünleri bilen tanyşdylar.
Ähtnamada Halkara söwda merkeziniň (HSM), ABŞ-nyň Halkara ösüş boýunça agentliginiň (USAID), Aziýa ösüş bankynyň (AÖB) we beýleki halkara guramalarynyň we maliýe institutlarynyň tehniki kömegi netijeli peýdalanylýar.
Şeýle hem Türkmenistanyň Maliýe we ykdysadyýet ministrligi BSG agzalyk bilen baglylykda işiniň çäklerinde milli kanunçylyk binýadyny BSG-niň kadalaryna we ýörelgelerine laýyk getirmegiň üstünde iş alyp barýar.
Hususan-da, halkara guramalary bilen bilelikde maliýe-ykdysady, pul-karz, gümrük, söwda we beýleki degişli ulgamlarda birnäçe kanunçylyk namalaryny seljerme işleri geçirilýär. Olaryň netijesi boýunça Türkmenistanyň Mejlisi bilen kanunçylyk namalaryna üýtgetmeleri we goşmaçalary girizmek bilen bagly çäreleri başlamak meýilleşdirilýär.
Mejlisiň çäklerinde çykyş edenler 2020-nji ýylyň iýul aýynda bu guramada Türkmenistanyň synçy derejesini alandygyny, 2022-nji ýylyň fewral aýynda BSG-niň Ženewada geçirilen Baş Geňeşiniň nobatdaky mejlisinde ýurdumyzyň BSG-niň doly hukukly agzasy bolmak üçin ýüz tutmagynyň netijesinde Türkmenistana BSG-na goşulyşýan döwlet (“işjeň synçy”) derejesini bermek hakynda karara gelnendigini, şeýle hem BSG-niň Sekretariaty bilen hyzmatdaşlygy giňeltmekde öňde duran birnäçe ugurlar barada teklipler öňe sürlendigi aýdyldy.
Türkmenistanyň DIM-niň ýolbaşçysy we Saud ösüş gaznasynyň ýolbaşçysy ýangyç-energetika toplumynda maýa goýum taslamalaryny maslahatlaşdy
Wise-premýer, Türkmenistanyň Daşary işler ministri Raşid Meredow Saud Arabystany Patyşalygyna iş saparynyň çäklerinde Saud Arabystany Patyşalygynyň Saud Ösüş gaznasynyň baş ýerine ýetiriji direktory (CEO) Sultan bin Abdulrahman Al-Marshad bilen duşuşygynda energetika, gaz himiýasy senagaty, oba we suw hojalygy hem-de saglyk saklaýyş ulgamyndaky ösüş boýunça maýa goýum taslamalaryna degişli meseleleri maslahatlaşdylar.
«Türkmen maýa goýum kompaniýasy» ýerli işewürligi hyzmatdaşlyga çagyrýar
Türkmenistanyň Döwlet daşary ykdysady iş banky bilen BAE-niň Abu-Dabi ösüş gaznasy bilen bilelikde dünýä tejribesine laýyklykda döredilen «Türkmen maýa goýum kompaniýasy» ýapyk görnüşli paýdarlar jemgyýeti Türkmenistandan işewürleri hyzmatdaşlyga çagyrýar. Bu barada «Нейтральный Туркменистан» gazetinde habar berilýär.
HHR-iň Hökümetiniň ýörite wekili bilen energetika we beýleki ugurlarda hyzmatdaşlygy giňeltmek mümkinçilikleri maslahatlaşyldy
Ýurdumyza sapar bilen gelen Hytaý Halk Respublikasynyň Hökümetiniň Ýewraziýa işleri boýunça ýörite wekili Li Hueý bilen geçirilen duşuşykda energetika, ulag, logistika we beýleki ugurlarda ikitaraplaýyn hyzmatdaşlygy mundan beýläk hem ösdürmek mümkinçilikleri maslahatlaşyldy diýip, Türkmenistanyň Döwlet habarlar agentligi habar berýär.
ÝB-niň Geňeşi energiýa geçirijileriň bahalaryny we ÝB-niň energiýa üpjünçiliginiň howpsuzlygyny maslahatlaşdy
Anna güni Brýusselde energetika boýunça Ýewropa Bileleşiginiň nobatdan daşary Geňeşi geçiriler. Onuň barşynda energiýa geçirijileriň bazarynda ýokary bahalar we Ýewropa Bileleşiginiň ýurtlarynyň energiýa üpjünçiliginiň howpsuzlyk meseleleri ara alnyp maslahatlaşylar diýip, Brýusselde neşir edilen beýanda aýdylýar.
Hökümet mejlisinde nebitgaz toplumynyň 2022-nji ýylyň sekiz aýynda işleriniň netijeleri jemlenildi
Geçen anna güni Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisiniň geçirdi, onda şu ýylyň sekiz aýynda ýerine ýetirilen işleriň jemleri jemlenildi, ýurdumyzy durmuş-ykdysady taýdan ösdürmegiň möhüm wezipeleri ara alnyp maslahatlaşyldy.