Bilermen Türkmenistanda kükürt önümçiliginiň we eksportynyň geljegi barada gürrüň berdi
05:41 31.01.2024 7968
Türkmenistanyň gazhimiýa pudagyny ösdürmegiň ileri tutulýan ugurlarynyň biri hem kükürt önümçiligi we eksportydyr. Russiýadan, Şweýsariýadan, Owganystandan we beýleki ýurtlardan bolan kompaniýalarda bu önüme bolan isleg artýar diýip, tehniki ylymlaryň doktory Allaberdi Ylýasow hasaplaýar. Bu barada ol CentralAsia.news neşirine beren interwýusynda belleýär.
Bilermeniň sözlerine görä, Türkmenistanda kükürtiň iň iri ýatagy Lebap welaýatynda Magdanly şäheriniň golaýynda ýerleşýär. Onuň gorlary galyndy jisimleriň toplanmagynda biohimiýa prosesleriň netijesinde emele gelipdir.
Ylýasowyň hasaplamalaryna görä, fosfor kislotasyny we fosfor dökünlerini almak üçin kükürt kislotasynyň önümçiliginde ulanylmagy netijesinde kükürte bolan isleg dünýä bazarynda durnukly ýagdaýda öser.
Kükürtiň ulanylýan möhüm ugry oba hojalygydyr. Ammoniýa sulfaty ýaly düzüminde kükürt saklaýan birleşikler dökün hökmünde giňden ulanylýar. Bu bazarda önümçiligi giňeltmek üçin Türkmenistanda kükürtiň esasynda dökünleriň täze görnüşleriniň önümçiligini ösdürmek zerur.
Bilermen şeýle hem kükürtiň çykarylmagynyň we gaýtadan işlenilmeginiň Türkmenistanyň himiýa senagatynyň ileri tutulýan ugurlarynyň birine öwrülip biljekdigine ünsi çekdi.
- Çig mal serişdesi hökmünde kükürtiň ýerlenilmegi we gaýtadan işlenilmegi Türkmenistanyň ykdysady görkezijileriniň biri bolup durýar. Onuň ägirt uly ätiýaçlyk gorlaryny nazara alyp, ýurt bu himiki elementi öndürmekde we gaýtadan işlemekde dünýä liderleriniň biri bolup biler – diýip, Allaberdi Ylýasow jemledi.
Birža söwdalarynda Türkiýä we Owganystana awtobenzin hem-de dizel ýangyjy satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 30-sy hasaba alyndy.
Hökümet mejlisinde ýangyç-energetika toplumynyň 2025-nji ýylyň ýanwarynda ýerine ýetiren işleriniň jemleri jemlenildi
14-nji fewralda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda şu ýylyň ýanwar aýynda milli ykdysadyýetiň pudaklarynda alnyp barlan işleriň jemleri jemlenildi, şeýle hem ýurdumyzyň durmuşyna degişli käbir beýleki meseleler ara alnyp maslahatlaşyldy diýip, TDH habar berýär.
Türkmen paýtagtynda Halkara sergi we ylmy maslahat geçirildi
6-7-nji awgustda Aşgabatda «Türkmenistanyň gurluşygy, senagaty, energetikasy — 2022» atly halkara sergi we onuň çäklerinde «Türkmenistanyň gurluşyk, senagat, energetika pudaklarynyň ösüşi» atly maslahat geçirildi. Bu ähmiýetli çäreler ýurdumyzyň ugurdaş ministrlikleri we pudaklaýyn dolandyryş edaralary hem-de Söwda-senagat edarasy bilen bilelikde guraldy.
Türkmenistanyň DIM-niň ýolbaşçysy we YHG-nyň Baş sekretary köpugurly hyzmatdaşlygyň geljegini maslahatlaşdylar
12-nji fewralda Türkmenistanyň daşary işler ministri Raşid Meredow Ykdysady hyzmatdaşlyk guramasynyň (YHG) Baş sekretary Asad Majid Han bilen geçiren duşuşygynda hyzmatdaşlygy ösdürmegiň geljekki ugurlaryny maslahatlaşdy. Bu barada Türkmenistanyň DIM-nde habar berdiler.
Garabogaz — ýurdumyzyň himiýa hazynasy
Şu gün zähmet rugsadynda bolýan hormatly Prezidentimiz Serdar Berdimuhamedowyň gatnaşmagynda Garabogazköl aýlagynyň üstünden geçýän täze awtomobil köprüsiniň düýbüni tutmak dabarasy boldy. «Halkyň Arkadagly zamanasy» ýylynyň şanly wakasy Türkmenistanyň daşary syýasy strategiýasyny amala aşyrmak babatda hem, täze taryhy döwürde ýurdumyzyň ykdysadyýetini ösdürmek babatynda hem örän ähmiýetlidir.