«OGT- 2020» XXV Halkara maslahaty Aşgabatda onlaýn görnüşde geçiriler
09:46 19.10.2020 8103
«Türkmenistanyň nebiti we gazy 2020» XXV halkara maslahaty 28-29-njy oktýabrda Aşgabatda geçiriler. Çäräniň guramaçylary hökmünde «Türkmengaz» we «Türkmennebit» döwlet konsernleri «Turkmen Forum» kompaniýasy bilen hyzmatdaşlykda çykyş edýärler.
OGT – 2020 her ýyl geçirilýär we ol Türkmenistan bilen nebitgaz pudagynda hyzmatdaşlygy berkitmäge we ösdürmäge ýardam edýän abraýly işewürlik forumydyr.
Forumy gurnaýjylaryň saýtynda bellenilişi ýaly, maslahatyň barşynda Türkmenistanyň nebitgaz bazarynyň işiniň ähli ugurlaryny, şol sanda soňky gazhimiýa taslamalaryny öz içine alýan syn berler. Dünýäniň nebitgaz kompaniýalarynyň öňdebaryjy hünärmenleri prezentasiýalar bilen çykyş edip, toplanan tejribeleri paýlaşarlar.
Maslahatyň işine Türkmenistanyň döwlet düzümleriniň hem-de dünýäniň öňdebaryjy nebit kompaniýalarynyň, iri halkara guramalarynyň we maliýe institutlarynyň ýolbaşçylary we wekilleri gatnaşmagy meýilleşdirýär.
Maslahatyň iki gününiň dowamynda çykyş etjekler ýangyç-energetika toplumynda dünýä ýörelgeleriniň ösüşiniň meseleleri barada pikir alşylar. Şeýle hem tejribe alyşmak hem-de Türkmenistanyň nebitgaz toplumynda häzirki wagtda durmuşa geçirilýän esasy taslamalar barada maglumat bermek üçin prezentasiýalar we panel görnüşli pikir alyşmalar gurnalar.
Şu ýylyň panel mejlisleri şu mowzuklara bagyşlanar: «Gazhimiýa toplumynda ýörelgeler», «Hazar deňziniň Türkmenistan böleginde innowasion taslamalar», Türkmenistan – Owganystan – Pakistan – Hindistan gaz geçirijisi, «Nebiti we gazy çuňlaşdyryp gaýtadan işlemegiň innowasion tehnologiýalary» hem-de «Nebitgaz toplumynda täze maýa goýum taslamalary».
Türkmenistanyň nebitgaz toplumynyň ýolbaşçylary we halkara, şol sanda Türkmenistanda iş alyp barýan kompaniýalarynyň top-menejerleri bu mejlislere gatnaşyp, dünýä energetikasynyň we Türkmenistanyň nebitgaz pudagynyň ileri tutulýan ugurlaryny maslahatlaşarlar.
Bu iri nebitgaz işewürlik forumynyň çäklerinde daşary ýurt kompaniýalarynyň wekillerine Türkmenistanyň nebitgaz toplumynyň ýolbaşçylary bilen duşuşyp, ileri tutulýan meseleleri maslahatlaşmaga we özara bähbitli hyzmatdaşlygy ýola goýmaga mümkinçilik dörediler.
Halkara gatnawlaryna girizilen çäklendirmeler sebäpli, OGT-2020 hem onlaýn görnüşde geçiriler. Bu bolsa, daşary ýurtly hyzmatdaşlara maslahatyň mejlisleriniň ählisine gatnaşmaga, şol sanda Türkmenistanyň nebitgaz toplumynyň ýolbaşçylary bilen duşuşmaga mümkinçilik berer.
Türkmenistanyň ŞHG bilen hyzmatdaşlygynyň ileri tutulýan ugurlary beýan edildi
Ulag, aragatnaşyk, energetika, söwda we maýa goýum işi Türkmenistan bilen ŞHG-niň özara hyzmatdaşlygynyň ileri tutulýan ugurlarynyň hatarynda durýar. Bu barada Türkmenistanyň daşary işler ministri Raşid Meredow Şanhaý Hyzmatdaşlyk Guramasynyň (ŞHG) Hökümet baştutanlary geňeşiniň mejlisinde belledi diýip, Türkmenistanyň DIM-nde habar berdiler.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
Türkmenistanda köpçülikleýin bag ekmek dabarasynyň ýazky möwsümi badalga aldy
Geçen ýekşenbe güni Türkmenistanda Prezident Serdar Berdimuhamedowyň gatnaşmagynda köpçülikleýin bag ekmek dabarasynyň ýazky möwsümine badalga berildi.
Gurbangeldi Aýmämedow – «Türkmengazüpjünçilik» birleşiginiň Baş direktorynyň wezipesini wagtlaýyn ýerine ýetirijisi
19-njy martda Türkmenistanyň Prezidenti Serdar Gurbangulyýewiç Berdimuhamedow wezipesine girişdi. Täze saýlanylan döwlet Baştutanynyň wezipesine girişmek dabarasyna ýurdumyzyň ýangyç-energetika toplumynyň edara-kärhanalarynyň wekilleri gatnaşdylar. Olaryň birnäçesi bu taryhy wakanyň özlerinde galdyran täsiri barada okyjylarymyza gürrüň berdiler.
Türkmenistanda Milli bahar baýramy — Halkara Nowruz güni bellenildi
Türkmenistanlylar 21-22-nji martda Milli bahar baýramyny — Halkara Nowruz gününi ýokary ruhubelentlik, hoşniýetli umyt-arzuwlar hem-de şatlyk-şowhun bilen garşy aldylar.