Russiýanyň eksport merkezi nebitgaz we demirýol infrastrukturasy ulgamlarynda Türkmenistanda taslamalary goldamaga taýýar
19:30 20.01.2023 5043
Russiýanyň eksport merkezi topary nebitgaz ulgamynda iri taslamalary, şeýle hem demirýol infrastrukturasyny döwrebaplaşdyrmak boýunça taslamalary goldamaga taýýar. Bu barada Russiýa eksport merkeziniň baş direktory Weronika Nikişina penşenbe güni Aşgabatda türkmen-russiýa işewürler forumynda eden çykyşynda belledi diýip, REM-iň metbugat gullugy habar berýär.
Baş direktoryň bellemegine görä, Türkmenistan bilen eýýäm birnäçe ýyldan bäri üstünlikli iş alnyp barylýar, şol sanda ygtybarly rus iberijilerini tapmak boýunça hem işler amala aşyrylýar.
«Ýörite döwlet maksatnamasynyň hasabyna logistika çykdajylary azaldylýar we netijede russiýaly we türkmen kompaniýalarynyň hyzmatdaşlygynyň netijeliligi ýokarlanýar, analitik goldaw berýäris. Häzir biz türkmen kärdeşlerimiz bilen bilelikdäki işimiz boýunça mundan beýläkki meýilnamalarymyzy işleýäris, şol sanda nebitgaz infrastrukturasy, wagon abatlaýyş gurluşygy we bilim ulgamynda sanly çözgütler ulgamynda işler alnyp barylýar» - diýip, Nikişina belledi.
Ol rus kompaniýalarynyň Türkmenistanda işiniň berkidilmegine, iri möçberli bilelikdäki taslamalaryň durmuşa geçirilmegine we uzakmöhletleýin hyzmatdaşlyga ynam bildirdi.
Aşgabatda 19-20-nji ýanwarda türkmen-russiýa işewürler forumy geçirilýär, oňa döwlet we hususy düzümleriň 300-den gowrak wekilleri gatnaşýar.
TNGIZT-niň we «Türkmenhimiýanyň» önümleri — birža söwdalarynyň öň hatarynda
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 86-sy hasaba alyndy.
Türkmenistanda Milli bahar baýramy — Halkara Nowruz güni bellenildi
Türkmenistanlylar 21-22-nji martda Milli bahar baýramyny — Halkara Nowruz gününi ýokary ruhubelentlik, hoşniýetli umyt-arzuwlar hem-de şatlyk-şowhun bilen garşy aldylar.
Prezident Serdar Berdimuhamedow Türkmenistany ösdürmegiň ileri tutulýan ugurlaryny kesgitledi
Şenbe güni, 19-njy martda Ruhyýet köşgünde Türkmenistanyň saýlanan Prezidentiniň wezipä girişmegi mynasybetli dabara geçirildi. Dabaranyň barşynda Serdar Berdimuhamedow kasam kabul etdi we döwlet Baştutany wezipesine girişdi.
Lebap welaýatynyň gazçylary 9 aý boýunça “mawy ýangyjy” çykarmak meýilnamasyny artygy bilen ýerine ýetirdiler
Türkmenistanyň Lebap welaýat gaz çykaryş müdirliginiň hünärmenleri tebigy gazy çykarmak boýunça 2024-nji ýylyň dokuz aýy boýunça önümçilik meýilnamasyny artygy bilen ýerine ýetirdiler. Şu ýylyň ýanwar-sentýabr aýlarynda bellenilen meýilnamadan 43 million kub metr artyk “mawy ýangyç” çykaryldy. Önümçilik meýilnamasy 7,52 milliard kub metre barabar boldy.
Türkmenistanyň ŞHG bilen hyzmatdaşlygynyň ileri tutulýan ugurlary beýan edildi
Ulag, aragatnaşyk, energetika, söwda we maýa goýum işi Türkmenistan bilen ŞHG-niň özara hyzmatdaşlygynyň ileri tutulýan ugurlarynyň hatarynda durýar. Bu barada Türkmenistanyň daşary işler ministri Raşid Meredow Şanhaý Hyzmatdaşlyk Guramasynyň (ŞHG) Hökümet baştutanlary geňeşiniň mejlisinde belledi diýip, Türkmenistanyň DIM-nde habar berdiler.