Türkmenistanyň paýtagtynda türkmen-russiýa işewürler geňeşi öz işine başlady
17:18 19.01.2023 8685
Penşenbe güni irden Türkmenistanyň Söwda-senagat edarasynda türkmen-russiýa işewürler geňeşi öz işine başlady. Oňa gatnaşmak üçin Russiýa Federasiýasynyň uly wekiliýeti Aşgabada geldi diýip, ORIENT agentligi habar berýär.
Rus wekiliýetiniň düzüminde — Hökümet agzalary, RF-niň Prezidentiniň administrasiýasynyň we Federal ýygnagyň Döwlet dumasynyň, şeýle hem dürli edaralaryň — Ykdysadyýet we ösüş ministrliginiň, Senagat we söwda ministrliginiň, Sanlylaşdyrma ministrliginiň, Bilim we ylym ministrliginiň, Oba hojalygy ministrliginiň, Ulag ministrliginiň, Gurluşyk ministrliginiň, Russiýa eksport merkeziniň we Söwda-senagat edarasynyň wekilleri bar.
Şeýle hem forumyň wekilleriniň hatarynda — Astrahan, Belgorod we Çelýabensk oblastlarynyň, Dagystanyň, Tatarystanyň, Sankt-Peterburgyň ýolbaşçylary, şeýle hem 30-a golaý kompaniýalaryň we işewür düzümleriň wekilleri bar.
Forum iki ýurduň wekiliýetleriniň bir wagtda iki sany «tegelek stol» duşuşygy bilen başlandy. Olaryň birinde senagat kooperesiýasy we gurluşyk önümçiligi ulgamlarynda hyzmatdaşlygyň täze mümkinçilikleri, beýlekisinde bolsa, innowasion we maglumat tehnologiýalary, ykdysadyýeti sanlylaşdyrma ulgamlarynda hyzmatdaşlygyň mümkinçilikleri maslahatlaşyldy.
Günüň ikinji ýarymynda Türkmenistanyň we Russiýanyň ulag-logistika toplumynyň özara gatnaşyklarynyň tendensiýalaryna we ugurlaryna bagyşlanan duşuşyk geçiriler. Forumyň gün tertibinde bilim ulgamynda hyzmatdaşlyk aýratyn ara alnyp maslahatlaşylar.
Agşam Türkmenistanyň wise-premýeri, daşary işler ministri Raşid Meredowyň we Russiýa Federasiýasynyň Hökümetiniň Baştutany Mihail Mişustiniň gatnaşmagynda forumyň plenar mejlisi geçiriler.
Mejlisiň esasy mowzugy — Türkmenistan bilen Russiýa Federasiýasynyň söwda-ykdysady we maýa goýum mümkinçilikleri. Bu mowzuk boýunça şeýle hem iki ýurduň ykdysadyýet ministrleri, pudak ýolbaşçylary, iri kompaniýalarynyň ýolbaşçylary çykyş eder.
Anna güni forum öz işini dowam eder. Onuň çäklerinde Türkmenistanyň we Russiýa Federasiýasynyň döwlet we hususy taraplarynyň arasynda ikitaraplaýyn duşuşyklar geçiriler.
Şeýle hem Türkmen-russiýa we Russiýa-türkmen işewürler geňeşiniň bilelikdäki mejlisi, ikitaraplaýyn resminamalaryň toplumyna gol çekmek hem-de russiýaly öndürijiler üçin «Russiýanyň söwda öýi» söwda-sergi meýdançasynyň açylyşy meýilleşdirilýär.
Birža söwdalarynda Türkiýä we Owganystana awtobenzin hem-de dizel ýangyjy satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 30-sy hasaba alyndy.
Hökümet mejlisinde ýangyç-energetika toplumynyň 2025-nji ýylyň ýanwarynda ýerine ýetiren işleriniň jemleri jemlenildi
14-nji fewralda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda şu ýylyň ýanwar aýynda milli ykdysadyýetiň pudaklarynda alnyp barlan işleriň jemleri jemlenildi, şeýle hem ýurdumyzyň durmuşyna degişli käbir beýleki meseleler ara alnyp maslahatlaşyldy diýip, TDH habar berýär.
Türkmen paýtagtynda Halkara sergi we ylmy maslahat geçirildi
6-7-nji awgustda Aşgabatda «Türkmenistanyň gurluşygy, senagaty, energetikasy — 2022» atly halkara sergi we onuň çäklerinde «Türkmenistanyň gurluşyk, senagat, energetika pudaklarynyň ösüşi» atly maslahat geçirildi. Bu ähmiýetli çäreler ýurdumyzyň ugurdaş ministrlikleri we pudaklaýyn dolandyryş edaralary hem-de Söwda-senagat edarasy bilen bilelikde guraldy.
Türkmenistanyň DIM-niň ýolbaşçysy we YHG-nyň Baş sekretary köpugurly hyzmatdaşlygyň geljegini maslahatlaşdylar
12-nji fewralda Türkmenistanyň daşary işler ministri Raşid Meredow Ykdysady hyzmatdaşlyk guramasynyň (YHG) Baş sekretary Asad Majid Han bilen geçiren duşuşygynda hyzmatdaşlygy ösdürmegiň geljekki ugurlaryny maslahatlaşdy. Bu barada Türkmenistanyň DIM-nde habar berdiler.
Garabogaz — ýurdumyzyň himiýa hazynasy
Şu gün zähmet rugsadynda bolýan hormatly Prezidentimiz Serdar Berdimuhamedowyň gatnaşmagynda Garabogazköl aýlagynyň üstünden geçýän täze awtomobil köprüsiniň düýbüni tutmak dabarasy boldy. «Halkyň Arkadagly zamanasy» ýylynyň şanly wakasy Türkmenistanyň daşary syýasy strategiýasyny amala aşyrmak babatda hem, täze taryhy döwürde ýurdumyzyň ykdysadyýetini ösdürmek babatynda hem örän ähmiýetlidir.