Birža söwdalarynda az kükürtli mazut eksport edildi
16:22 12.01.2023 5876
Türkmenistanyň Döwlet haryt-çig mal biržasynyň söwdalarynda 10-njy ýanwarda jemi bahasy 11,9 mln dollara we 11,2 mln türkmen manadyna barabar bolan 4 sany geleşik hasaba alyndy diýip, ORIENT habar berýär.
Wirgin adalaryndan we Birleşen Arap Emirliklerinden gelen işewürler 11,9 mln dollara umumylykda 30 müň tonnadan gowrak az kükürtli mazut satyn aldylar. Önümiň bir tonnasynyň bahasy 398,50 dollar bahalandyryldy.
Içerki bazarlarda ýerli telekeçiler 11,2 mln manada jemi 1 müň tonna nebit koksuny satyn aldylar.
Satuwa çykarylýan harytlar barada maglumatlar bilen Türkmenistanyň Döwlet haryt-çig mal biržasynyň saýtynda tanşyp bolýar (tmex.gov.tm).
Bu saýtda platformanyň funksionaly arkaly habarlaşyp, gönüden-göni öndürijiden birža harytlarynyň satuwy barada teklipler bilen tanşyp bolýar. Şeýle hem birža harytlaryny satmak boýunça bildiriş neşir etmek mümkinçiligi bar.
Nebitgaz toplumy boýunça birža söwdalary duşenbe-anna günleri 16:30, şenbe güni – 12:00 geçirilýär.
TNGIZT-niň we «Türkmenhimiýanyň» önümleri — birža söwdalarynyň öň hatarynda
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 86-sy hasaba alyndy.
Türkmenistanda Milli bahar baýramy — Halkara Nowruz güni bellenildi
Türkmenistanlylar 21-22-nji martda Milli bahar baýramyny — Halkara Nowruz gününi ýokary ruhubelentlik, hoşniýetli umyt-arzuwlar hem-de şatlyk-şowhun bilen garşy aldylar.
Prezident Serdar Berdimuhamedow Türkmenistany ösdürmegiň ileri tutulýan ugurlaryny kesgitledi
Şenbe güni, 19-njy martda Ruhyýet köşgünde Türkmenistanyň saýlanan Prezidentiniň wezipä girişmegi mynasybetli dabara geçirildi. Dabaranyň barşynda Serdar Berdimuhamedow kasam kabul etdi we döwlet Baştutany wezipesine girişdi.
Lebap welaýatynyň gazçylary 9 aý boýunça “mawy ýangyjy” çykarmak meýilnamasyny artygy bilen ýerine ýetirdiler
Türkmenistanyň Lebap welaýat gaz çykaryş müdirliginiň hünärmenleri tebigy gazy çykarmak boýunça 2024-nji ýylyň dokuz aýy boýunça önümçilik meýilnamasyny artygy bilen ýerine ýetirdiler. Şu ýylyň ýanwar-sentýabr aýlarynda bellenilen meýilnamadan 43 million kub metr artyk “mawy ýangyç” çykaryldy. Önümçilik meýilnamasy 7,52 milliard kub metre barabar boldy.
Türkmenistanyň ŞHG bilen hyzmatdaşlygynyň ileri tutulýan ugurlary beýan edildi
Ulag, aragatnaşyk, energetika, söwda we maýa goýum işi Türkmenistan bilen ŞHG-niň özara hyzmatdaşlygynyň ileri tutulýan ugurlarynyň hatarynda durýar. Bu barada Türkmenistanyň daşary işler ministri Raşid Meredow Şanhaý Hyzmatdaşlyk Guramasynyň (ŞHG) Hökümet baştutanlary geňeşiniň mejlisinde belledi diýip, Türkmenistanyň DIM-nde habar berdiler.