Bakuda Türkmenistan bilen Azerbaýjanyň söwda-ykdysady gatnaşyklaryny giňeltmegiň geljegi maslahatlaşyldy
16:00 30.11.2022 4685
Bakuda türkmen wekiliýetiniň Azerbaýjanyň Prezidenti Ilham Aliýew bilen duşuşygynda hem-de Ykdysady we ynsanperwer hyzmatdaşlyk boýunça Hökümetara Bilelikdäki toparyň mejlisiniň barşynda Türkmenistan bilen Azerbaýjanyň arasynda söwda-ykdysady hyzmatdaşlygy giňeltmegiň geljegi ara alnyp maslahatlaşyldy diýip, azerbaýjan habar beriş serişdeleri habar berýär.
Sişenbe güni Azerbaýjanyň Prezidenti Ilham Aliýew wise-premýer Batyr Atdaýewiň ýolbaşçylygyndaky Türkmenistanyň wekiliýetini kabul etdi. Duşuşykda energetika, ulag, logistika ulgamlarynda ýurtlaryň özara gatnaşyklarynyň ösüşiniň meseleleri maslahatlaşyldy. Haryt dolanyşygynyň artýandygy bellenildi we söwda hyzmatdaşlygynyň mundan beýläk hem ösmegine ýardam etjek bilelikdäki täze taslamalary durmuşa geçirmegiň wajyplygy bellenildi.
Ykdysady we ynsanperwer hyzmatdaşlyk boýunça Bilelikdäki Hökümetara toparyň mejlisinde iki ýurduň arasynda söwda-ykdysady gatnaşyklary giňeltmegiň geljegi maslahatlaşyldy. Işewür duşuşygyň netijesi boýunça Azerbaýjanyň ykdysadyýet ministri Mikail Jabbarow şeýle diýdi: «Bilelikdäki tagallalarymyzyň söwda, energetika, ulag, oba hojalygy we beýleki ugurlarda hyzmatdaşlygymyzy berkitjekdigine ynanýarys».
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.