OGT-2022-de TOPH gaz geçirijisiniň taslamasynyň görkezilişi boldy
21:01 28.10.2022 5457
OGT—2022 Halkara maslahatynyň çäklerinde TAPI Pipeline Compani Limited kompaniýasynyň ýerine ýetiriji direktory Muhammetnur Amanow Türkmenistan-Owganystan-Pakistan-Hindistan (TOPH) transmilli gaz geçirijisiniň taslamasynyň durmuşa geçirilişi barada habar berdi.
Taslamanyň prezentasiýasynda bellenilişi ýaly, TOPH gaz geçirijisiniň durmuşa geçirilmegi — bu ilkinji nobatda sebit we taslama gatnaşyjy ýurtlarda energetika howpsuzlygy, Owganystany, Pakistany we Hindistany arzan hem ygtybarly tebigy gaz bilen üpjün etmekdir.
Gürrüň ilkinji nobatda, elýeterlilik barada barýar — maksatnama arzan energiýanyň hasabyna energetika garyplygyny azaldar we Pakistany 2030-njy ýyla çenli gerek bolan energiýanyň 50%-i, Hindistany 2024-nji ýyldan soň gerek bolan energiýanyň 56%-i bilen üpjün eder diýip, Muhammetnur Amanow belledi.
TAPI-niň ýerine ýetiriji direktorynyň bellemegine görä, gaz geçirijiniň infrastrukturasy häzirki zaman tehnologiýalarynyň ulanylmagy hem-de kanunçylyklaryň we halkara standartlarynyň berjaý edilmegi bilen howpsuz we ygtybarly bolar. Bu harydy ahyrky ulanyja ýetirmegiň kepili bolup durýar. Mundan başga-da, TOPH uglerodyň zyňyndylarynyň azaldymagynyň mysaly bolar, şeýle hem dünýä energetika howpsuzlygyna uly goşant goşar.
Bu taslama 2 tapgyrda amala aşyrylar. Birinji tapgyrda gaz «Galkynyş» türkmen gaz käninden erkin akymda Owganystana, Pakistan we Hindistana iberiler. Ikinji tapgyrda uzynlygy 1853 km bolan gaz geçirijisi boýunça gazy ibermek boýunça giň gerimli taslamany tamamlamak üçin alty sany kompressor bekedi gurlar.
Magistral şaha boýunça ýylda 33 mlrd kub metre çenli tebigy gaz iberiler, bu bolsa Türkmenistanyň gaz ätiýaçlyklaryny monetizasiýalaşdyrmaga mümkinçilik berer we Owganystan we Pakistany üstaşyr geçirmeleriň hasabyna goşmaça girdeji bilen üpjün eder diýip M.Amanow belledi.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.