8 aýda Azerbaýjan Türkmenistandan 42 müň tonnadan gowrak benzin import etdi
19:00 25.10.2022 5427
2022-nji ýylyň ýanwar-awgust aýlarynda Azerbaýjan Türkmenistandan AI-92 kysymly benziniň 42 müň 831,33 tonnasyny import etdi. Bu barada Interfaks-Azerbaýjan agentligi Azerbaýjanyň Hökümetine salgylanyp habar berýär.
Nyrh aňlatmasynda AI-92 kysymly türkmen benzininiň Azerbaýjana eksporty geçen döwürde ABŞ-nyň 49 mln 597,21 müň dollaryndan gowrak boldy.
Türkmenistan Russiýadan soň, goňşy ýurda bu ýangyjy iberýän ikinji iri döwlet bolup durýar. Russiýadan AI-92 awtomobil benzininiň tutuş importynyň 166 mln 605,18 müň dollarlyk 73,5%-i ýa-da 150 müň 7,94 tonnasy iberildi.
Şeýle hem Azerbaýjan 2022-nji ýylyň ýanwar-awgust aýlarynda Türkmenistandan Premium Euro-95 kysymly awtomobil benzininiň ABŞ-nyň 7 mln 747,05 müň dollarlyk 8 müň 196,25 tonnasyny import etdi.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.