«Çeleken» şertnamalaýyn çäginde nebitiň çykarylyşyny artdyrmak meýilleşdirilýär

16:11 03.10.2022 10999

https://www.oilgas.gov.tm/storage/posts/5650/original-1633a7d13ab10c.jpeg

Häzirki wagtda «Türkmennebit» döwlet konserni tarapyndan «Çeleken» käniniň düzümine girýän meýdançalary düýpli özleşdirmek, täze nebit guýularyny gazmak arkaly çykarylýan nebitiň möçberlerini artdyrmak boýunça işler alnyp barylýar.

Bu ugurda alnyp barylýan işler barada Ministrler Kabinetiniň Başlygynyň orunbasary Ş.Abdrahmanow anna güni geçirilen Hökümet mejlisiniň barşynda hasabat berdi.

Prezident hasabaty diňläp, nebitgaz ýataklaryny ýokary depginlerde özleşdirmek, täze guýulary burawlamak, pudaklaýyn taslamalara isleg bildirýän iri ugurdaş kompaniýalary çekmek arkaly ýurdumyzyň ýangyç-energetika toplumynyň okgunly ösdürilýändigini nygtady we bu babatda wise-premýere anyk tabşyryklary berdi.

Belläp geçsek, Hazar deňziniň türkmen kenaryndaky «Çeleken» şertnamalaýyn çäignde känleri işläp taýýarlamak işini «Dragon Oil» kompaniýasy alyp barýar. Kompaniýa Türkmenistanda Önümi paýlaşmak hakynda Ylalaşygyň esasynda iş alyp barýar. Kompaniýanyň esasy işi Jeýtun we Jygalybeg nebit känlerini işläp taýýarlamakda ýöriteleşýär. Bu känlerde operator 2000-nji ýylyň maýyndan bäri üstünlikli iş alyp barýar. Geçen döwürde taslama 8 mlrd amerikan dollaryndan gowrak maýa goýum goýuldy.

Sentýabr aýynyň ahyrynda Türkmenistanyň Prezidenti Serdar Berdimuhamedowyň «Dragon Oil» kompaniýasynyň ýerine ýetiriji direktory Ali Raşid Al-Jarwan bilen duşuşygy geçirildi. Söhbetdeşligiň barşynda özara gatnaşyklaryň ilkinji nobatdaky wezipeleriniň hatarynda nebitiň we gazyň çykarylyşyny, şeýle hem türkmen energiýa geçirijileriniň eksportyny artdyrmak bellenildi.

Başga makalalar
16805e6a998684.jpg
Aşgabatda halkara söwda we hil üpjünçiligi boýunça sergi hem-de maslahat geçiriler

29-njy aprel — 1-nji maý aralygynda Söwda-senagat edarasynda «Halkara söwda we hyzmatlar» atly sergi-ýarmarkany hem-de «Türkmenistanda halkara ülňülerine laýyk gelýän hil üpjünçiligi» atly halkara maslahaty geçiriler.


16200c5b14236e.jpeg
Türkmenistanyň we HHR-niň Liderleri Hytaýa täze gaz geçirijiniň gurluşygy barada ylalaşdylar

Prezident Gurbanguly Berdimuhamedowyň Hytaý Halk Respublikasyna iş saparynyň çäklerinde şenbe güni Hytaý Halk Respublikasynyň Başlygy Si Szinpin bilen duşuşdy diýip, Türkmenistanyň Döwlet habarlar agentligi habar berýär.


16200db436210a.jpeg
Türkmenistanyň biržasynda 52 million dollarlyk mazut we ECO-93 benzini satyldy

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 36-sy hasaba alyndy.


16805f28532b4d.jpg
Arkadag şäherinde YHG-nyň durnukly ösüş boýunça ministrler derejesindäki birinji forumy geçiriler

Şu ýylyň aprel aýynda Arkadag şäherinde Ykdysady Hyzmatdaşlyk Guramasynyň (YHG) durnukly ösüş boýunça ministrler derejesindäki birinji forumy geçiriler.


1648ab1e962f01.jpg
HNGU-da ylmy forumyň öňüsyrasynda çäreler geçirildi

14-nji iýunda Ýagşygeldi Kakaýew adyndaky Halkara nebit we gaz uniwersitetinde «Energetiki nukdaýnazarlar we uglewodorod ýataklaryny özleşdirmegiň täze tehnologiýalary» atly halkara ylmy-amaly maslahatynyň öňüsyrasynda iki sany deslapky çäreler geçirildi.