Birinji ýarym ýylda Türkmenistanyň NGIZ-leri nebitiň gaýtadan işlenilişini 2,6 mln tonna çenli artdyrdy
09:10 29.07.2022 6822
Türkmenistanda birinji ýarym ýylda 2 mln 628 müň tonnadan gowrak nebit gaýtadan işlenildi. Şu döwürde ýurduň NGIZ 2 mln 630 müň tonna çig nebit iberildi diýip, «Нейтральный Туркменистан» gazeti çarşenbe güni belleýär.
«Türkmenbaşy şäherindäki baş zawody we Seýdiniň nebiti gaýtadan işleýän zawodyny öz içine alýan Türkmenbaşynyň nebiti gaýtadan işleýän zawodlar toplumynda 2022-nji ýylyň birinji ýarymynda umumylykda 2 mln 630 müň tonna nebit iberildi. Bu 2021-nji ýylyň degişli döwri bilen deňeşdirilende 70 müň tonna köpdür» diýip, neşir belleýär.
Şeýle hem bellenilişi ýaly, «şu döwürde 2 mln 628 müň tonnadan gowrak nebit gaýtadan işlenildi ýa-da geçen ýylyň degişli döwründen 55 müň tonnadan gowrak nebit artyk işlenildi».
Neşiriň şeýle hem bellemegine görä, birinji ýarymýylyň netijeleri boýunça Türkmenbaşy şäherinde TNGIZT-niň tehnologik desgalarynda 2 mln 389 müň tonna nebit gaýtadan işlenildi, ösüş depgini 103,6%. Şol bir wagtda zawoda 2 mln 405 müň tonna nebit iberildi, bu geçen ýyldakydan 75 müň tonna artykdyr.
Türkmenbaşydaky zawodda şu ýylyň birinji alty aýynda ähli görnüşli awtobenzinleriň 811 müň tonnasy işlenip taýýarlanyldy, şolardan 208 müň tonnasy meýilnamadan artykdyr. A-95 benzini boýunça işläp taýýarlamalar 469 müň tonna, ösüş depgini – 108%. A-92 benzininden 279 müň tonnasy öndürildi, ösüş depgini 102,5%. A-80 benzininden 64 müň tonnasy öndürildi, meýilnamadan artyk – 35 müň tonna golaýy öndürildi.
Birinji ýarymýylda ähli görnüşli kerosinden 218 müň tonna golaýy öndürildi. Bu geçen ýylyň degişli döwri bilen deňeşdirilende 387 tonna köpdür. ТС-1 kerosininden 177 müň tonnasy öndürildi, ösüş depgini 124%.
Jet A 1 awiasion kerosininden 11 müň tonna golaýy öndürildi, onuň önümçiligi 2022-nji ýylyň birinji çärýeginde başlady.
TNGIZT-niň önümleri içekri bazarlarda bolşy ýaly, daşary ýurtlara hem eksport edilýär.
2022-nji ýylyň birinji ýarymynda geçen ýylyň degişli döwri bilen deňeşdirilende TNGIZT-niň eksport tapgyrlarynyň bahasy walýuta hasaplamalarynda düýpli ýokarlandy diýip gazet belleýär.
Aşgabatda halkara söwda we hil üpjünçiligi boýunça sergi hem-de maslahat geçiriler
29-njy aprel — 1-nji maý aralygynda Söwda-senagat edarasynda «Halkara söwda we hyzmatlar» atly sergi-ýarmarkany hem-de «Türkmenistanda halkara ülňülerine laýyk gelýän hil üpjünçiligi» atly halkara maslahaty geçiriler.
Türkmenistanyň we HHR-niň Liderleri Hytaýa täze gaz geçirijiniň gurluşygy barada ylalaşdylar
Prezident Gurbanguly Berdimuhamedowyň Hytaý Halk Respublikasyna iş saparynyň çäklerinde şenbe güni Hytaý Halk Respublikasynyň Başlygy Si Szinpin bilen duşuşdy diýip, Türkmenistanyň Döwlet habarlar agentligi habar berýär.
Türkmenistanyň biržasynda 52 million dollarlyk mazut we ECO-93 benzini satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 36-sy hasaba alyndy.
Arkadag şäherinde YHG-nyň durnukly ösüş boýunça ministrler derejesindäki birinji forumy geçiriler
Şu ýylyň aprel aýynda Arkadag şäherinde Ykdysady Hyzmatdaşlyk Guramasynyň (YHG) durnukly ösüş boýunça ministrler derejesindäki birinji forumy geçiriler.
HNGU-da ylmy forumyň öňüsyrasynda çäreler geçirildi
14-nji iýunda Ýagşygeldi Kakaýew adyndaky Halkara nebit we gaz uniwersitetinde «Energetiki nukdaýnazarlar we uglewodorod ýataklaryny özleşdirmegiň täze tehnologiýalary» atly halkara ylmy-amaly maslahatynyň öňüsyrasynda iki sany deslapky çäreler geçirildi.