Nebitiň bahalary aşaklaýar, Brent — 108,84 dollar
13:55 01.07.2022 10553
ABŞ-nyň ykdysadyýetiniň haýallaýandygy we energiýa serişdelerine bolan islegiň peselmeginiň mümkinligi baradaky nobatdaky yşaratlaryň çäginde anna güni nebitiň bahalary aşaklap, hepdäni peselmek bilen tamamlaýar diýip, Interfaks habar berýär.
Neşir edilen statistiki maglumatlar ABŞ-nyň ilatynyň çykdajylarynyň maý aýynda ýylyň başyndan bäri aprelde 0,6%-den 0,2 göterime çenli peselip, depgininiň aşaklaýandygyny görkezdi. Sarp ediş çykdajylarynyň paýyna ABŞ-nyň jemi içerki önüminiň 70%-i düşýär we statistiki maglumatlar bazar tarapyndan ýaramaz ykdysady yşarat hökmünde kabul edildi.
Brent nebitiniň sentýabrdaky fýuçersleriniň bahasy Londonyň ICE Futures biržasynda öňküsi gündäkiden 0.17% aşaklap, 108,84 dollara deň boldy.
WTI nebitiniň awgust fýuçersleriniň bahasy Nýu-Ýorkuň haryt biržasynda öňküsi gündäkiden 0,35% peselip, 105,39 dollara deň boldy.
Iýun aýynda Brent-iň bahasy 6,5% peseldi, emma ikinji çärýegiň netijeleri boýunça 6% ýokarlandy. WTI bir aýda 7,8% aşaklady we çärýek boýunça 5,5% ýokarlandy diýip, Dow Jones Market Data-nyň maglumatlary şaýatlyk edýär. Birinji ýarymýyllykda Brent 48%, WTI bolsa – 41% gymmatlady.
OPEC+ ýurtlarynyň ministrleri penşenbe güni mejlisiň netijeleri boýunça awgust aýynda nebit çykarmak kwotasyny 648 müň b/g çenli artdyrmak meýilnamasyny ýene-de bir gezek tassykladylar. ABŞ-nyň Prezidenti Jo Baýden şu aýda Ýakyn Gündogara gider we Saud Arabystany hem-de BAE bilen önümçiligi has işjeň artdyrmagyň mümkinçiliklerini maslahatlaşar.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.