Nebitiň bahalary gymmatlamagyny dowam edýär, Brent-iň bahasy 111,3 dollara ýetdi
20:16 07.05.2022 8987
Anna güni nebitiň bahalary teklibiň ýetmezçiliginiň howatyrlanmasynyň netijesinde ýokarlanmagyny dowam edýär.
Interfaks agentliginiň habar bermegine görä, OPEC+ ýurtlary iýun aýynda nebitiň çykarylyşynyň çäklerini günde 432 müň barrele çenli artdyrmak meýilnamasyny saklap galmak boýunça ses berdiler. Emma 2021-nji ýylyň awgust aýyndan bäri, çäkleriň meýilnamalaýyn artdyrylmagyna garamazdan, OPEC+ ýurtlary nebiti çykarmagyň rugsat berlen derejesine ýetip bilmeýär. Mart aýynyň netijeleri boýunça olar önümçilik boýunça 1,45 mln b/g yza galýarlar.
Brent nebitiniň iýul aýyndaky fýuçersleriniň bahasy Londonyň ICE birasynda anna güni 0,36% gymmatlap, barreli 111,3 dollara ýetdi. Öňküsi gün olaryň bahasy 110,9 dollara barabardy.
WTI nebitiniň bahasy Nýu-Ýorkuň elektron söwdalar biržasynda 0,31% gymmatlap, barreli 108,6 dollara deň boldy. Öňküsi gün olaryň bahasy 108,26 dollara ýetipdi.
Şol bir wagtda Ýewropa ýurtlary Russiýadan nebitiň importyny çäklendirmäge taýýarlyk görýärler. Şu hepdede Ýewrokomissiýa çäklendirmeleriniň altynjy bukjasynyň çäklerinde rus nebitiniň ÝB ýurtlaryna iberilmegine garaganlyk girizmegi teklip etdi.
«Bazarda RF-den nebit ibermeleriniň mümkin bolan gadaganlygyny öz içine alýan bahany çykarmady. ÝB-niň bu çäklendirmeler bukjasy biýunça ses berişlik indi bolmaly» - diýip, City Index-iň analitigi Fiona Çinkottanyň sözlerini Bloomberg getirýär. — Bu ýagdaý nebitiň bahalarynyň peseldilmegi üçin islendik synanyşyklar saklar».
ABŞ-nyň häkimiýetleri strategiki ätiýaçlyklaryny doldurmak üçin bazardan nebit satyn alyp başlamak meýillerini yglan etdi. Garaşylyşy ýaly, ABŞ-nyň Energetika ministrligi satyjylardan arzalary eýýäm şu güýzde kabul edip başlar.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.