Türkmenistanyň Prezidentiniň saýlawlarynda ses bermeklik ýokary işjeňlik derejesinde geçdi
10:36 15.03.2022 4497
Geçen şenbe güni, 12-nji martda irden sagat 7-den Türkmenistandaky 2,5 müňden gowrak saýlaw uçastogynda nobatdan daşary Prezident saýlawlarynda ses bermeklik başlandy. Saýlawlarda ses bermek üçin 3,5 milliondan gowrak saýlawçy bellige alyndy.
Ses bermeklik arassaçylyk-epidemiologik howpsuzlyk kadalaryny berjaý etmek bilen geçirildi. Saýlawçylar egin—eşiklerini zyýansyzlandurýan we şol bir wagtda adamyň beden temperaturasyny ölçeýän ýörite enjamdan geçdiler.
Saýlaw uçastoklarynyň 19-da ýapylýança bellige alnan saýlawçylaryň 97,12%-i ses berdi diýip, Türkmenistanyň Merkezi saýlaw topary yglan etdi. Daşary ýurtdaky saýlaw uçastoklarynda 90,93% saýlawçylar ses berdi.
Ses bermek üçin ýurt boýunça 2,5 müňden gowrak saýlaw uçastogy döredildi.
Prezident wezipesine dokuz dalaşgär — Demokratik, Agrar we Senagatçylar we telekeçiler partiýalaryndan, şeýle hem raýatlaryň teklipçi toparlaryndan dalaşgärler hödürlenildi.
Türkmenistanyň täze saýlanan Prezidentiniň kasam kabul etmek dabarasy 19-njy martda «Oguzhan» köşkler toplumynda geçiriler.
Türkmenistanyň häzirki Prezidenti Gurbanguly Berdimuhamedow fewral aýynda geçirilen Halk Maslahatynyň mejlisinde Milli Geňeşiň ýokarky palatasynyň Başlygy wezipesinde ünsüni jemlek kararyna gelendigini belläp, ýolbaşçy wezipelere ýaşlary çekmek başlangyjy bilen çykyş etdi.
Serdar Berdimuhamedow: Türkmenistan Merkezi Aziýa döwletleriniň üsti bilen energiýa geçirijileriniň ibermelerini artdyrmaga taýýar
Penşenbe güni Çolpon-Atada (Gyrgyzystanyň Yssyk-Köl welaýaty) Merkezi Aziýa döwletleriniň Baştutanlarynyň dördünji Konsultatiw duşuşygy geçirildi. Duşuşyga Gazagystanyň, Özbegistanyň, Türkmenistanyň we Täjigistanyň Prezidentleri gatnaşdy.
Awtobenzin we suwuklandyrylan gaz TDHÇMB-niň söwdalarynyň walýuta geleşikleriniň esasyny düzdi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 73-si hasaba alyndy. Olaryň jemi bahasy ABŞ-nyň 41 million 403 müň dollaryndan gowrak boldy.
Çökgünlik howpy nebitiň bahalaryny aşakladýar — analitikler II ýarym ýylda Brentiň bahalarynyň 100 dollar bolmagyna garaşýarlar
Energiýa geçirijileriň bazarynda çökgünlik zerarly dünýä ykdysadyýetinde emele gelip biljek çökgünlik bilen bagly howatyrlanmalar iýul aýynyň dowamynda Brent nebitiniň bahalaryny 7% aşaklatdy. Bu günki gün barreliň bahasy 103 dollardan aşaklatdy. Pudaklaýyn analitikler bahalaryň ýene-de birnäçe dollar aşaklajakdygyna we şol derejede 2022-nji ýylyň ahyryna çenli saklanjakdygyna ynanýarlar diýip, Interfaks habar berýär.
Treýderler Ýewropada gazyň ýokary bahalarynyň geljek ýyllarda saklanyp galmagyna garaşýarlar
Ýewropada tebigy gazyň bahalary teklibiň az bolmagy netijesinde ýakyn ýyllarda ýokary bolmagynda galar diýip treýderler çaklaýar. Bu barada Interfaks habar berýär.
«Demirgazyk akymy» boýunça ibermeler dikeldilenden soň hem Ýewropada gazyň bahasy arzanlamady
«Demirgazyk akymy» boýunça ibermeler dikeldilenden soň hem Ýewropada gazyň bahasy arzanlamady. Eýýäm bir hepde bäri bahalar müň kub metrine 1600 dollar derejesinde saklanýar.