Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.

Birleşen Ştatlar Ýewropadaky hyzmatdaşlary bilen rus nebitiniň importyndan ýüz öwürmek mümkinçiliginiň «işjeň ara alyp maslahatlaşýarlar», diýip döwlet sekretary Entoni Blinken NBC teleýaýlymyna interwýusynda belledi.

Waşington ýewropaly hyzmatdaşlary gatnaşmazdan hem embargo edip biler diýip, Bloomberg agentliginiň iki sany çeşmesi habar berdi. Şol bir wagtda bu babatda karar heniz kabul edilmedi.

Kongressiň wekiller palatasy rus nebitiniň importyny gadagan etmek hakynda kanunçylyk namasyny işläp taýýarlamak mümkinçiligini öwrenýär diýip, aşaky palatanyň spikeri Nensi Pelosi habar berdi.

Resmi amerikan maglumatlarynyň görkezmegine görä, ABŞ-nyň nebit importynyň 3%-i Russiýanyň paýyna düşýär.

Waşingtonyň aýdanlaryndan soň, Brent nebitiniň bahalary duşenbe güni söwda başlandan soň, 18% ýokarlanyp, 139 dollara çenli bardy. Emma soňra ol 129 dollarda saklandy.

JPMorgan Chase & Co. analitikleriniň  pikirine görä, Brent ýylyň ahyryna çenli Russiýadan ibermeleri saklanyp galsa, 185 dollara ýetip biler.